Enter your Email Address to subscribe to our newsletters
गुवाहाटी, 15 फरवरीमासः (हि.स.)। हिमंत बिस्व सरमा महोदयः कांग्रेससांसदम् गौरव गोगोई प्रति तीक्ष्णं प्रहारं कृत्वा उक्तवान् यत् गोगोई भारतस्य सुरक्षा-व्यवस्थां रणनीतिक-तत्परतां च अवगन्तुं असमर्थः अस्ति। मुख्यमन्त्री एकस्मिन् कार्यक्रमे सहभागं कृत्वा गत-रात्रौ पत्रकारैः सह संवादं कुर्वन् आसीत्।
मुख्यमन्त्री महोदयः मोरान्-प्रदेशे वायुसेनायाः सज्जतां सम्बन्ध्य गोगोई महोदयस्य कथित-टिप्पण्याः विषये प्रतिक्रियां दत्त्वा अवदत् यत् येषां जनानां भारतस्य असमस्य च सुरक्षा-हितैः सह किञ्चित् अपि सम्बन्धः नास्ति, ते राष्ट्र-सुरक्षायाः गाम्भीर्यं न अवगच्छन्ति। सः अवदत् यत् देशस्य रक्षा-तत्परताः राष्ट्रीय-हितस्य व्यावसायिक-मूल्याङ्कनस्य च आधारेण निश्चिताः भवन्ति, न तु राजनीतिक-वक्तव्यैः।
डॉ. सरमा अपि अवदत् यत् सम्यक्-ज्ञानं विना भारतीय वायुसेना इत्यस्य परिचालन-क्षमतां प्रति प्रश्नोत्तापनं अनुत्तरदायित्वपूर्णं वर्तनम् अस्ति। सः सर्वान् जनप्रतिनिधीन् राष्ट्र-सुरक्षा इव संवेदनशील-विषयेषु संयमं पालनीयम् इति अपीलं कृतवान्।
हिन्दुस्थान समाचार / अंशु गुप्ता