Enter your Email Address to subscribe to our newsletters
नोएडानगरम्, १५ फरवरीमासः (हि.स.)।क्यूपीकॉर्पोरेशन–नाम्नी जापान–देशस्य निर्माण्या यमुना-सिटी–मध्ये खाद्य–प्रसंस्करण–संयन्त्रं स्थापयितुं निर्णयः कृतः। अस्य संयन्त्रस्य स्थापनायै अष्टात् दश–एकड–पर्यन्तं भूमेः आवश्यकता भविष्यति, तथा च निर्माण्या प्रायः २०० कोटि–रूप्यकाणां निवेशः क्रियते। अनेन विदेशीय–निवेशस्य आगमनेन सह जीविकानां नूतनाः अवसराः अपि सृज्यन्ते। संयन्त्र–स्थापनायै शीघ्रमेव निर्माण्या औपचारिकः प्रस्तावः दातव्यः इति प्रबन्धनेन सूचितम्।
जापानदेशीयं प्रतिनिधिमण्डलं अत्र यमुनाविकासप्राधिकरण–अधिकारिभिः सह सभां कृत्वा औद्योगिक–उद्यानानां निरीक्षणानन्तरं अत्र निवेशे इच्छां प्रकटितवान्। यमुना–सिटीमध्ये एतत् तृतीयं खाद्य–प्रसंस्करण–संयन्त्रं भविष्यति। अस्मात् पूर्वं द्वयोः निर्माण्यो:— पतंजलि-आयुर्वेद तथा इनोवा फूड पार्क—खाद्य–उद्यान–स्थापनायै भूमिः आवण्टिता आसीत्।
प्राधिकरणस्य अधिकारिणः अनुसारं क्यूपी–कॉर्पोरेशन-इत्यस्य अधिकारिणः यमुना–सिटी-इत्यस्य आधारभूत–संरचनां सम्यक् इति मन्यन्ते। सभायां विदेशीय–प्रतिनिधिमण्डलेन उक्तं यत् शीघ्रमेव निर्माण्या: निदेशक–मण्डलस्य समक्षं निवेश–सम्बद्धः प्रस्तावः प्रस्तुतः करिष्यते; ततः अनन्तरं तस्य अन्तिम–स्वीकृतिः क्रियते। अस्यां सभायां प्राधिकरणस्य एसीईओ शैलेन्द्रकुमार: भाटियया सह अन्ये अधिकारिणः अपि उपस्थिताः आसन्।
क्यूपी कॉर्पोरेशन- अमेरिका, चीनादीभि: सहितं ७९ देशेषु सक्रियः विश्वस्तरीयः खाद्य–प्रसंस्करण–समूहः अस्ति। एषा निर्माण्या अण्ड–पीतक–आधारित–मेयोनीज–उत्पादैः “उमामी”–रस–वैशिष्ट्येन च प्रसिद्धा अस्ति। जापानदेशे अस्याः प्रायः ६० प्रतिशतं विपण–सहभागिता वर्तते। एषा निर्माणी अमेरिका-चीन-वियतनाम-थाईलैंड-इत्यादिषु ७९–अधिकेषु देशेषु कार्यं करोति। स्वास्थ्यवर्धक–खाद्य–उत्पादै: सह फल–जाम्, सॉस् तथा फल–समाधान–उत्पादानि अपि एषा निर्माति।
यमुना–विकास–प्राधिकरणस्य मुख्य–कार्यपालक–अधिकारी आर.के.सिंह: अवदत् यत् पूर्वमेव द्वाभ्यां निर्माणीभ्यां भूमिः प्रदत्ता अस्ति। प्रथमं पतंजलि-आयुर्वेद–संस्थायै सेक्टर–२४ तथा सेक्टर–२४ए–मध्ये ४३० एकड–परिमितां भूमिं आवण्टितवती, यत्र मेगा–खाद्य–उद्यान–सहितं खाद्य–प्रसंस्करण–एककस्य निर्माणं आरब्धम्। अत्र प्रतिदिनं दश–लक्ष–लीटर–क्षमतायुक्ता दुग्ध–संस्था स्थाप्यते, यत्र चीज-आमीक्ष्य–आदीनां दुग्ध–उत्पादानां महत्–परिमाणे निर्माणं भविष्यति। द्वितीया निर्माण्या इनोवा-खाद्योद्यानं कोलार (कर्नाटक)–स्थिते सेक्टर–२४–मध्ये ३० एकड–भूमौ एग्रो–हब् (कृषि–निर्यात–केन्द्रम्) उद्घाटयिष्यति, यत्र कृषि–उद्यान–उत्पादानां परीक्षणं, श्रेणीकरणं, पैकेजिङ् च आधुनिक–सुविधाभिः सह भविष्यति। एग्रो–हब-इत्यस्य कार्गो–टर्मिनलत; दूरी प्रायः १० किलोमीटर–मात्रा भविष्यति, येन परिवहनं शीघ्रं सुलभं च भविष्यति।
अन्ते सः अवदत् यत् जापान–प्रतिनिधिमण्डलेन सह सकारात्मकाः चर्चाः अभवन्। क्यूपी–कॉर्पोरेशनात् प्रस्तावं प्राप्य तस्य परीक्षणं करिष्यते, ततः संघ: तथा उद्योग–विभागस्य औपचारिक–स्वीकृत्यर्थं प्रेषयिष्यते।
हिन्दुस्थान समाचार / Dheeraj Maithani