Enter your Email Address to subscribe to our newsletters
- राजधान्याः स्वच्छता प्रबंधन कार्याणि प्रशंसितानि
भोपालम्, 15 फरवरीमासः (हि.स.)। मध्य प्रदेश राज्यस्य द्विदिवसीय-भ्रमणार्थम् आगताः केरल राज्यस्य विविध-स्थानीय-निकायानां पार्षदाः जनप्रतिनिधयश्च रविवासरे भोपाल नगरे लोकभवन गत्वा मंगुभाई पटेल राज्यपालं शिष्टाचार-मेलनम् अकरोत्।
राज्यपालः पटेलः लोकभवनं प्राप्तेषु सर्वेषु केरल-जनप्रतिनिधिषु आत्मीयं स्वागतं कृत्वा तेषां परिचयं प्राप्तवान् तथा तेषां क्षेत्रेषु राजनैतिक-प्रशासनिक-नवाचाराणां विषये जानकारीं प्राप्तवान्। अस्मिन् अवसरे राज्यपालस्य प्रमुख-सचिवः नवनीत मोहन कोठारी अपि उपस्थितः आसीत्।
राज्यपालः उक्तवान् यत् मध्यप्रदेश-भ्रमणं कृतवन्तः केरल-जनप्रतिनिधयः नरेन्द्र मोदी प्रधानमन्त्रिणः “सबका साथ-सबका विकास” इति मन्त्रं अनुसृत्य समाजस्य राष्ट्रस्य च सेवां कुर्वन्तु। प्रदेश-सरकारस्य अनुकरणीय-नवाचारान् भ्रमण-अनुभवान् च स्व-स्व-क्षेत्रेषु जनकल्याण-विकास-कार्येषु अनुप्रयुञ्जत। शासन-योजनानां अन्तिम-पङ्क्तेः जनान् प्रति प्रसारणे भवतां भूमिका अत्यन्तं महत्त्वपूर्णा अस्ति। पारदर्शिता उत्तरदायित्वं जनभागीदारी च स्वीकृत्य स्थानीय-शासनं अधिकं प्रभावी भवतु। निर्धन-वञ्चित-आवश्यकतावन्त-जनानां सेवासंकल्पः सर्वदा पालनियः इति अपि उक्तवान्।
केरल-जनप्रतिनिधयः राज्यपालं प्रति मध्यप्रदेश-भ्रमणस्य अनुभवान् अवदन्। भारतस्य स्वच्छतम-राजधानीरूपेण भोपाल-नगरस्य स्वच्छता-प्रबन्धनस्य प्रशंसां कृतवन्तः। प्रदेशस्य जल-प्रबन्धनं स्मार्ट-सिटी-परियोजना कचरा-निस्तारणं सौर-ऊर्जा-प्रयोजनानि इत्यादयो विषयाः चर्चिताः। शिष्टाचार-भेट-कार्यक्रमे राजभवन-अधिकारीणः प्रदेशे निवसन्तः मलयाली-समाज-प्रतिनिधयश्च उपस्थिताः आसन्।
हिन्दुस्थान समाचार