Enter your Email Address to subscribe to our newsletters
मुरादाबादम्, 16 फरवरीमासः (हि.स.)।
अखिलभारतीय-अम्बेडकर-संघस्य नयाग्राम-पीएसी-इत्यस्य महिला-शाखायाः शपथग्रहण-समारोहः सोमवासरे सम्पन्नः। मुख्यातिथिः निशि-बौद्धा स्वसम्बोधने महिलानां सामाजिक-शैक्षिक-राजनीतिक-भागीदारीं सुदृढीकर्तुं विशेषं बलम् अददात्।
संघस्य राष्ट्रियाध्यक्षः महेन्द्रपालसिंहः नवनिर्वाचितान् पदाधिकाऱिणः शपथं ग्राहयामास। सः संगठनस्य नीतिषु उद्देशेषु च प्रकाशं क्षिपन् अवदत् यत् संघस्य लक्ष्यं सामाजिक-समता, न्यायः, बन्धुत्व-भावना च सुदृढीकरणम् अस्ति। राष्ट्रिय-महामन्त्री डॉ. हरनन्दन-प्रसादः उक्तवान् यत् संविधानं महिलाभ्यः समान-अवसरान् सम्मानं च प्रददाति। पूर्व-राष्ट्रियाध्यक्षः एमपी-मौर्यः महिलाः स्वसंविधाने निर्दिष्टानां मौलिक-अधिकाराणां प्रति जागरूकाः अभवन् इति प्रेरणां दत्तवान्। राष्ट्रीय-उपाध्यक्षः नेतरामसिंहः नूतन-कार्यकारिण्यै शुभकामनाः अर्पितवान्।
समारोहस्य अध्यक्षता शाखाध्यक्ष्या लक्ष्मीदेव्या कृता, संचालनं पूर्व-महामन्त्री रोहिताशकुमारः अकरोत्। अस्मिन् अवसरे मेघराजसिंहः, डॉ. मिलिन्दसेनः, सुनीलकुमारः, सत्यप्रकाशः, शिवम्बौद्धः, रविन्द्रसिंहः, जानकीसिंहः, कमलेशदेवी, मंजूसागरः, रेखारानी, मुन्नीदेवी, किरणलता, सन्तोषदेवी इत्यादयः बहुसंख्यया स्वविचारान् प्रस्तुतवन्तः।
-------------
हिन्दुस्थान समाचार