Enter your Email Address to subscribe to our newsletters
उज्जैन, 16 फ़रवरी (हि.स.)।
मध्यप्रदेशस्य उज्जयिन्यां स्थिते विश्वप्रसिद्धे महाशिवरात्रिपर्वणि श्रीमहाकालेश्वरमन्दिरे श्रद्धाभक्त्योः अद्भुतः संगमः दृश्यते। रविवासरे रात्रौ दशवादनात् अर्धोत्तरदशवादनसमये भगवतः महाकालस्य चतु:प्रहरपूजनम् आरब्धम्, यत् रात्रेः अन्तपर्यन्तं विधिविधानपूर्वकं सम्पन्नम्।
सोमवासरे प्रातः विशेषसेहरादर्शनानन्तरं वर्षे एकवारं मध्याह्ने द्वादशवादने भवितव्याऽ भस्मारती आयोजिता भविष्यति, यस्यां बहुसंख्याकाः श्रद्धालवः सहभागीभवितुं सम्भाव्यन्ते। रात्रौ एकादशवादने भगवतः पटमङ्गलम् भविष्यति।
चतु:प्रहरपूजने एकादश ब्राह्मणाः एकादशनीरुद्रपाठेन वैदिकमन्त्रैश्च भगवन्तं महाकालम् अभिषिक्तवन्तः। पञ्चविधानां फलरसैः अभिषेकानन्तरं पञ्चामृतपूजनम् सम्पन्नम्। पञ्चामृते दुग्धं दधि घृतं मधु खाण्डसारिशर्करा गङ्गाजलं गुलाबजलम् भाङ्गं केसरयुक्तदुग्धं च समाविष्टम् आसीत्। अनन्तरं नवीनवस्त्राणि धारितानि तथा सप्तधान्यैः मुखारविन्दं अलंकृतम्।
भगवते तण्डुलाः मुद्गाः तिलाः गोधूमाः यवाः सालधान्यम् उडिदधान्यम् इत्यादीनि सप्तधान्यानि अर्पितानि। ततः पुष्पमुकुटेन विशेषशृङ्गारारती कृता। पुजारी आशीषशर्मणः अनुसारं प्रायः त्रिशतकिलोग्रामपरिमितैः पुष्पैः भव्यः सेहरः निर्मितः। चन्द्रमुकुटेन छत्रेण त्रिपुण्ड्रलेपनैः विविधाभरणैश्च महाकालः राजाधिराजस्वरूपेण विभूषितः। सेहरारत्यनन्तरं मिष्टान्नं फलानि पञ्चमेवफलानि च नैवेद्यरूपेण अर्पितानि।
अद्य प्रातः एकादशवादने सेहरः अपासरितः भविष्यति। आभरणानि मुखारविन्दं वस्त्राणि च सम्यक् व्यवस्थाप्य मध्याह्ने द्वादशवादनात् द्विवादनपर्यन्तं भस्मारती सम्पन्ना भविष्यति। अनन्तरं द्वे वादनार्धात् त्रिवादनपर्यन्तं भोगारती भविष्यति तथा शिवनवरात्रेः पारणं क्रियते। भोगारत्यनन्तरं नव निर्मिते श्रीमहाकालेश्वरनिःशुल्कअन्नक्षेत्रे ब्राह्मणभोजनम् आयोज्य दक्षिणा प्रदास्यते।
दिनपर्यन्तं पूजनकार्यक्रमः
सन्ध्यापूजनम् – सायं पञ्चवादनात् पञ्चचत्वारिंशद्वादनपर्यन्तम्।
सन्ध्यारती – सायं षड्वादनात् पञ्चदशाधिकषड्वादनपर्यन्तम्।
शयनारती – रात्रौ दशवादनात् अर्धोत्तरदशवादनसमये।
पटमङ्गलम् – रात्रौ एकादशवादने।
१८ फरवरी दिने वर्षे एकवारं समेकितरूपेण पञ्चमुखारविन्ददर्शनैः महाशिवरात्रिपर्वणः समापनं भविष्यति। महाकालाय भाङ्गं चन्दनं त्रिपुण्ड्रं च अर्प्य राजसीस्वरूपेण अलङ्करणं कृतम्। एषः दिव्यः अलौकिकश्च आयोजनः श्रद्धालुभ्यः विशेषां आध्यात्मिकानुभूतिं प्रददाति।
---------------
हिन्दुस्थान समाचार