Enter your Email Address to subscribe to our newsletters
उप मुख्यमंत्री अकरोत् स्वास्थ्य सेवभिः युतानां विभिन्न विषयाणां कृता विस्तृतसमीक्षा
भोपालम्, 16 फरवरीमासः (हि.स.) ।मध्यप्रदेशस्य उपमुख्यमन्त्री राजेन्द्रशुक्लः राजधानी-भोपाल-स्थिते मन्त्रालये सोमवासरे प्रदेशस्य स्वास्थ्य-अधोसंरचना-विकासेन चिकित्सा-सेवा-सुदृढीकरणेन सम्बद्धेषु विविधेषु तकनीकी-प्रशासनिक-विषयेषु विस्तरेण चर्चां कृतवान्।
गोष्ठ्यां उपमुख्यमन्त्री शुक्लः सामुदायिक-स्वास्थ्य-केन्द्राणां फर्स्ट-रेफरल-यूनिट् (एफआरयू) इति रूपेण उन्नयन-कार्याणां समीक्षा अकरोत्। तेन निर्देशितं यत् एतेषु केन्द्रेषु चिकित्सकीय-सहायक-चिकित्सकीय-मानवबलस्य उपलब्धिः प्राथमिकतया सुनिश्चितीक्रियताम्। ग्रामीण-क्षेत्रेषु उत्तम-आपत्कालीन-स्वास्थ्य-सेवानां प्रदाने एफआरयू-इकाइः सुचारु-रूपेण सञ्चलनम् अत्यावश्यकम् इति सः अवदत्।
उपमुख्यमन्त्रिणा शुक्लेन चयनित-कार्मिकाणां समयबद्ध-जॉइनिङ्-प्रक्रिया सम्पन्नतां प्रति अपि निर्देशाः दत्ताः, येन चिकित्सालयेषु मानव-संसाधन-अभावः निवार्य सेवाः अधिकं सुदृढाः क्रियेरन्।गोष्ठ्यां स्वास्थ्य-परीक्षण-गुणवत्ता-सुधारार्थं प्रदेशस्य परीक्षण-प्रयोगशालानां सुदृढीकरण-कार्येषु अपि चर्चा अभवत्। उपमुख्यमन्त्रिणा शुक्लेन आधुनिक-उपकरणानां उपलब्धता तथा पैथोलॉजी-सेवानां विस्ताराय आवश्यक-कार्यवाही कर्तुं निर्देशाः दत्ताः।
अस्यां गोष्ठ्याम् अपर-मुख्य-सचिवः अशोक-बर्नवालः, आयुक्तः धनराजू-एस् तथा अन्ये वरिष्ठ-अधिकारिणः उपस्थिताः आसन्।
हिन्दुस्थान समाचार