Enter your Email Address to subscribe to our newsletters
दतिया, 16 फरवरीमासः (हि.स.)।
देशस्य प्रख्याता ओजस्विनी वक्त्री, प्रमुखा हिन्दूराष्ट्रवादी नेत्री तथा विश्वहिन्दू-परिषदस्य महिला-शाखायाः दुर्गा-वाहिन्याः संस्थापिका-अध्यक्षा साध्वी ऋतंभरा सोमवासरे दतिया-नगरं प्राप्तवती। तत्र सा सिद्धपीठे मां पीतांबरा-पीठे विधिवत् दर्शन-पूजनं कृतवती। ततः अनन्तरं साध्वी ऋतंभरा भगवन्तं बनखण्डेश्वर-महादेवं जलाभिषेकेन पूजयित्वा देशस्य समाजस्य च सुख-समृद्धि-शान्ति-कल्याणार्थं प्रार्थनां कृतवती।
तस्याः दतिया-नगर-आगमनस्य वार्ता श्रुत्वा मां पीतांबरा-मन्दिर-परिसरे श्रद्धालूनां महान् जनसमूहः समागतः। मन्दिर-परिसरः “जय मां पीतांबरा” तथा “हर हर महादेव” इति घोषैः निनादितः। श्रद्धालुषु साध्वी-ऋतंभरा-दर्शनाय विशेषः उत्साहः दृश्यते स्म।
तस्याः आगमनं दृष्ट्वा प्रशासनस्य पक्षेण सुरक्षा-व्यवस्थायाः विशेष-प्रबन्धाः कृताः आसन्। मन्दिर-परिसरे तस्य समीपे च क्षेत्रेषु पुलिस-दलस्य नियुक्तिः आसीत्, येन दर्शन-पूजन-कार्यक्रमः शान्तिपूर्वकं सम्पन्नः।
साध्वी-ऋतंभरा कृतं इदंदतिया-भ्रमणं केवलं धार्मिक-दृष्ट्या एव न, अपि तु सांस्कृतिक-चेतनायाः हिन्दू-एकतायाः च सशक्त-सन्देशरूपेण अपि अवलोक्यते। तस्याः विचारैः सन्देशैश्च श्रद्धालुषु उत्साह-ऊर्जा-चेतना च समुत्पन्ना।
---------------
हिन्दुस्थान समाचार