Enter your Email Address to subscribe to our newsletters
नई दिल्ली, 16 फरवरी (हि.स.)।
प्रधानमन्त्री नरेन्द्रमोदी अद्य सायं पञ्चवादने नवदिल्लीस्थिते भारतमण्डपम् नाम्नि स्थले इण्डिया एआई इम्पैक्ट एक्सपो २०२६ इत्यस्य उद्घाटनं करिष्यति। अस्य समापनं २० फरवरी दिने तत्रैव भारतमण्डपे इण्डिया एआई इम्पैक्ट समिट इत्यनेन सह भविष्यति।
अयं एक्सपो कृत्रिमबुद्धेः व्यावहारिकप्रदर्शनस्य राष्ट्रीयमञ्चः भविष्यति। अत्र नीतिः व्यवहारैः सह संयोजिता भविष्यति। नवोन्मेषः व्यापकस्तरे अनुप्रयुज्यते। प्रौद्योगिकी सामान्यनागरिकपर्यन्तं प्राप्स्यति। एक्सपोस्य पूर्वसन्ध्यायां एषा सूचना आधिकारिकविज्ञप्त्या प्रदत्ता। प्रधानमन्त्री नरेन्द्रमोदिनः अस्य कार्यक्रमस्य विवरणं भारतीयजनतापार्टी इत्यस्य संस्थया अपि एक्स इत्यत्र सञ्चारितम्।
आधिकारिकविज्ञप्तेः अनुसारम्, सप्ततिसहस्रवर्गमीटरात् अधिके विस्तीर्णे क्षेत्रे दशसु एरेना नामकेषु प्राङ्गणेषु आयोजितः अयं एक्सपो वैश्विकप्रौद्योगिकीसंस्थाः, नवउद्यमसंस्थाः, शिक्षाविदः, अनुसंधानसंस्थानानि, केन्द्रीयमन्त्रालयानि, राज्यसरकाराः तथा अन्तरराष्ट्रीयसहभागिनः एकत्र आनयिष्यति। अस्मिन् एक्सपोमध्ये कृत्रिमबुद्धितन्त्रे अन्तरराष्ट्रीयसहकार्यं दर्शयन्तः त्रयोदशदेशानां पवेलियनानि अपि भविष्यन्ति। तेषु ऑस्ट्रेलिया, जापान, रूस, यूनाइटेड किंगडम्, फ्रान्स, जर्मनी, इटली, नीदरलैण्ड्स, स्विट्जरलैण्ड, सर्बिया, एस्टोनिया, ताजिकिस्तान तथा आफ्रिकादेशस्य पवेलियनानि समाविष्टानि सन्ति।
अस्मिन् एक्सपोमध्ये त्रिशताधिकानि चयनितप्रदर्शनीमण्डपानि तथा सजीवप्रदर्शनानि भविष्यन्ति, ये त्रिषु मुख्यविषयेषु संरचितानि सन्ति — जनाः, ग्रहः, उन्नतिः इति। अतिरिच्य षट्शताधिकाः उच्चक्षमतायुक्ताः नवउद्यमसंस्थाः अपि सहभागीभवन्ति, येषां बहवः वैश्विकस्तरे प्रासंगिकानि जनोपयोगिसमाधानानि प्रदर्शयन्ति। एते नवउद्यमाः तानि समाधानानि दर्शयिष्यन्ति ये अद्यतनकाले वास्तविकजगति प्रयुज्यन्ते।
इण्डिया एआई इम्पैक्ट एक्सपो मध्ये अन्तरराष्ट्रीयप्रतिनिधिभिः सह द्विलक्षपञ्चाशत्सहस्राधिकाः आगन्तुकाः आगमनम् अपेक्षितम्। अस्य आयोजनस्य उद्देश्यः वैश्विककृत्रिमबुद्धितन्त्रे नूतनसहभागिताः प्रवर्धयितुं तथा व्यवसायिकसुवसरान् उत्पद्यितुम् अस्ति। अस्मिन् कार्यक्रमे पञ्चशताधिकाः सत्राणि आयोजितानि भविष्यन्ति, येषु त्रिसहस्रद्विशतपञ्चाशदधिकाः दूरदर्शिनः वक्तारः पैनलसदस्याश्च सहभागं करिष्यन्ति। एतेषां सत्राणां मुख्योद्देश्यः विविधक्षेत्रेषु कृत्रिमबुद्धेः परिवर्तनकारीप्रभावं स्वीकरोति तथा भविष्यकालीनकार्ययोजनासु विचारविमर्शं कृत्वा एतत् सुनिश्चितं कर्तुं यत् कृत्रिमबुद्धेः लाभः प्रत्येकस्मै वैश्विकनागरिकाय प्राप्यते।
---------------
हिन्दुस्थान समाचार