Enter your Email Address to subscribe to our newsletters
नवदिल्ली, १७ फरवरीमासः (हि.स.)।बाङ्ग्लादेशे नव–निर्वाचित–सर्वकारस्य शपथ–ग्रहण–समारोहे भारत–सर्वकारस्य प्रतिनिधित्वं कर्तुं लोकसभाध्यक्षः ओम्–बिरला मङ्गलवासरे ढाका–नगरं प्राप्तवान्। अत्र हजरत–शाहजलाल: अन्ताराष्ट्रिय–विमानपत्तने अन्तरिम–सर्वकारस्य विदेश–सलाहकारः एम–तौहीद–हुसैनः तस्य स्वागतं कृतवान्। बाङ्ग्लादेश–राष्ट्रिय–पक्ष: (बीएनपी)–इत्यस्य अध्यक्षः तारिक–रहमानः प्रधानमन्त्री–पदस्य शपथवचनं ग्रहीष्यति।
ओम्–बिरला सामाजिक–माध्यम–मञ्चे ‘एक्स' इत्यत्र लिखित्वा एतत् स्वस्य कृते सम्मानस्य विषयः इति अवदत्। सः उक्तवान् यत् तारिक–रहमानस्य नेतृत्वे नव–सर्वकारस्य प्रधानमन्त्री–पदस्य शपथ–ग्रहण–समारोहे भारतस्य प्रतिनिधित्वं कर्तुं मम कृते सम्मानस्य विषयः अस्ति। एतत् क्षणम् उभयदेशयोः जनयोः मध्ये सम्बन्धान् तथा सहभाग–लोकतान्त्रिक–मूल्यानि अधिकं दृढीकर्तुं साहाय्यं करिष्यति।
उल्लेखनीयं यत् शपथ–ग्रहण–समारोहे सहभागं कर्तुं विश्वस्य अन्येषां देशानां नेतारः अपि ढाका–नगरं आगच्छन्ति। मुख्य–सलाहकारस्य यूनुस–इत्यस्य आमन्त्रणेन मालदीव–देशस्य राष्ट्रपतिः मुहम्मद–मुइज्जू, भूटान–देशस्य प्रधानमन्त्री शेरिंग–तोबगे, श्रीलङ्का–नेपालयोः विदेश–मन्त्रिणौ तथा अन्येषां केषाञ्चन देशानां विदेश–मन्त्रिणः अपि समारोहे सहभागीभवितुं ढाका–नगरं आगच्छन्ति।
हिन्दुस्थान समाचार / Dheeraj Maithani