Enter your Email Address to subscribe to our newsletters
पटनानगरम्, १७ फरवरीमासः (हि.स.)। बिहार–विद्यालय–परीक्षा–समितेः वार्षिकी माध्यमिकी परीक्षा २०२६ मङ्गलवासरे जनपदस्य सप्ततिः (७०) परीक्षा–केन्द्रेषु आरभ्यते। परीक्षायाम् आहत्य ७९,४७८ परीक्षार्थिनः भागं गृह्णन्ति। एषा परीक्षा १७ फरवरीमासात् २५ फरवरीमासपर्यन्तं सञ्चाल्यते।
जनपदप्रशासनं समितेः निर्देशानुसारं स्वच्छे, दुराचारमुक्ते शान्तिपूर्णे च वातावरणे परीक्षां सम्पादयितुं सर्वे दण्डाधिकारिणः, आरक्षी–पदाधिकारिणः तथा केन्द्राध्यक्षाः सजगाः तत्पराश्च भवेयु: इति निर्देशितवान्। परीक्षा–केन्द्रेषु पर्याप्ता सुरक्षा–व्यवस्था कृता अस्ति तथा प्रवेशद्वारे सघन-परीक्षा क्रियते।
पटनानगरस्य सप्ततिः परीक्षा–केन्द्रेषु सम्मिलितेषु परीक्षार्थिषु ३७,१३१ छात्राः, ४२,३४५ छात्राः तथा २ ट्रान्सजेंडर-परीक्षार्थिनः सन्ति। सर्वेषु परीक्षार्थिषु समित्या प्रदत्तानां निर्देशानां अक्षरशः पालनं अनिवार्यम्। परीक्षा–केन्द्रेषु इलेक्ट्रोनिक् उपकरणानां प्रवेशे पूर्णः प्रतिबन्धः कृतः।
परीक्षायाः सफल-सुचारु-सञ्चालनस्य कृते जनपद–नियन्त्रणकक्षः, पटनानगरम् (०६१२–२२१९८१० / २२१९२३४) तथा आरक्षी–नियन्त्रणकक्षः, पटनानगरम् (दूरभाषसङ्ख्या: ९४७०००१३८९) २४ घटिकायाः कार्यशीलौ भविष्यतः। अतः, सर्वेषु अनुमण्डलेषु अनुमण्डल–स्तरीय–नियन्त्रणकक्षाः अपि सक्रियाः संस्थापिताः।
जनपदप्रशासनं अभिभावकान् सामान्यनागरिकान् प्रति याचितवान् यत् परीक्षा–कालस्य मध्ये परीक्षा–केन्द्रेषु अनावश्यकं जनसमूहं न स्थापयन्तु तथा शान्तिपूर्णं वातावरणं धारयितुं सहयोगं कुर्वन्तु।
हिन्दुस्थान समाचार / अंशु गुप्ता