Enter your Email Address to subscribe to our newsletters
भाेपालम्, 17 फ़रवरीमासः (हि.स.)।
सशस्त्रक्रान्तेः उद्घोषकः स्वर्गीयः वासुदेव बलवंत फडके तथा बिहारराज्यस्य पूर्वमुख्यमन्त्री भारतरत्न कर्पूरी ठाकुरयोः अद्य मङ्गलवासरे पुण्यतिथिः अस्ति। अस्मिन् अवसरे मध्यप्रदेशस्य मुख्यमन्त्री डॉ मोहन यादव महोदयः उभयोः महानुभावयोः स्मरणं कृत्वा विनम्रां श्रद्धाञ्जलिं अर्पितवान्।
मुख्यमन्त्री डॉ यादवः सामाजिकमाध्यमे एक्स इति स्थले वासुदेव बलवंत फडके महोदयस्य पुण्यतिथौ नमनं कृत्वा लिखितवान् यत् आदिस्वातन्त्र्यसेनानी श्रद्धेय वासुदेव बलवंत फडके महोदयस्य पुण्यतिथौ अहं विनम्रां श्रद्धाञ्जलिं समर्पयामि। तेन मातृभूमेः स्वातन्त्र्यार्थं कोली भील तथा धांगड समुदायान् एकत्रीकृत्य रामोशी इति संगठनं स्थापितम्। तेन पुणेनगरं स्वनियन्त्रणाधीनं कृत्वा स्वातन्त्र्यजागरणाय दृढता प्रदत्ता।
अन्यस्मिन् सन्देशे बिहारस्य पूर्वमुख्यमन्त्री कर्पूरी ठाकुर महोदयस्य पुण्यतिथौ श्रद्धाञ्जलिं अर्पयन् सः अलिखत् यत् जननायकः भारतरत्नः बिहारस्य पूर्वमुख्यमन्त्री श्रद्धेय कर्पूरी ठाकुर महोदयस्य पुण्यतिथौ विनम्रां श्रद्धाञ्जलिं अर्पयामि। तस्य सरलः सहजः सौम्यः च व्यक्तित्वः तथा गरीबकल्याणाय तस्य समर्पणभावः सर्वदा प्रेरणां दास्यति।
---------------
हिन्दुस्थान समाचार