Enter your Email Address to subscribe to our newsletters
भोपालम्, 17 फरवरीमासः (हि.स.)।मध्यप्रदेशस्य बडवानी जनपदे जिलाप्रशासनस्य उद्यानिकीविभागस्य च तत्वावधाने अद्य मङ्गलवासरे कृषिविज्ञानकेन्द्रे तलून इति स्थले एकदिवसीयः सेमिनार सह कार्यशाला “कृषि संवाद” नाम्ना आयोजितः भवति।
अयं कार्यक्रमः एकीकृत बागवानी विकास मिशन तथा पीएमएफएमई योजना अन्तर्गतं आयोजितः अस्ति। अस्य मुख्यकेन्द्रं केला उत्पादनस्य उन्नतप्रविधिः तथा निर्यातः अस्ति। सहैव मिर्ची डॉलर चना तथा क्षेत्रस्य एक्सोटिक फसलानां विषये अपि सूचना प्रदास्यते।
जनसम्पर्काधिकारी प्रियंका रानी अवदत् यत् कार्यशालायाः उद्देश्यं जनपदस्य कृषकान् केलेकृषौ आधुनिकप्रविधिभिः टिश्यू कल्चर लाभैः न्यूनव्ययेन अधिकलाभप्राप्तेः उपायैः तथा अन्ताराष्ट्रियापणस्य निर्यातसम्बद्धसूक्ष्मताभिः अवगतं कर्तुम् अस्ति। कार्यशालायां जनपदस्य विभिन्नप्रदेशेभ्यः प्रायः नवशताधिकात् सहस्रपर्यन्तं कृषकाः सहभागिनः भविष्यन्ति।
तया उक्तं यत् अस्य कार्यक्रमस्य प्रमुखविशेषता एषा यत् सहभागिभ्यः प्रत्येकस्मै कृषकाय विभागेन विशेषा पुस्तिका मार्गदर्शिका च प्रदास्यते। अस्यां पुस्तिकायां केला तथा अन्यप्रमुखफसलानां सम्पूर्णजीवनचक्रम् कृषिकाले आगच्छन्त्यः व्यवहारिकसमस्याः तेषां समाधानानि निर्यातसम्भावनाः अन्ताराष्ट्रियमानकाः च विस्तरेण संगृहीताः सन्ति येन कृषकाः कार्यशालानन्तरम् अपि ताम् संदर्भरूपेण उपयोक्तुं शक्नुवन्ति।
जनसम्पर्काधिकारिणः अनुसारं कृषि संवाद कार्यक्रमे कृषिक्षेत्रस्य विशेषज्ञैः कृषकानां मार्गदर्शनं क्रियते। अस्मिन् क्रमेम् जैन इरिगेशन जलगांव संस्थायाः अन्ताराष्ट्रिय केला विशेषज्ञः केबी पाटिल एग्रोनॉमिस्ट अजहर जैदी जैन कृषि तीर्थ जलगांव संस्थायाः डॉ सुधीर भोंगले टिश्यू कल्चर प्रविधेः विषये व्याख्यानं दास्यन्ति। मुम्बई तथा बुरहानपुर प्रदेशयोः केला निर्यातकाः शाहिद अली अमोल महाजन विकास अग्रवाल केला निर्यातविषये प्रस्तुतीकरणं करिष्यन्ति। टेरा ग्लैब खरगोन संस्थायाः सीईओ संजय पाटीदार वैज्ञानिकौ डॉ महेन्द्रसिंह डॉ आरपी शर्मा अवकाशप्राप्तवैज्ञानिकः डॉ व्हाय के जैन भारतस्य पुरस्कारप्राप्तः केला कृषकः संतोष लछेटा तथा जनपदस्य प्रगतिशीलकृषकाः जयदेव पाटीदार बलराम जाट अन्ये कृषिविशेषज्ञाश्च विविधविषयेषु व्याख्यानानि दास्यन्ति। अस्मिन् कार्यक्रमे एपिडा इत्यादीनां राज्यस्तरीयसंस्थानां सहभागितायाः सम्भावना अपि अस्ति।
क्षेत्रस्य प्रमुखाः केला निर्यातकाः यथा राजेश्वरी केला ग्रुप श्री सांई केला ग्रुप इत्यादयः स्वसूचीं निर्यातमानकविषयकां सूचनां च साझा करिष्यन्ति येन कृषकाः स्वफसलां अन्ताराष्ट्रियमानकानुसारं सज्जीकर्तुं समर्थाः भविष्यन्ति।
---------------
हिन्दुस्थान समाचार