Enter your Email Address to subscribe to our newsletters
नवदिल्ली, 18 फ़रवरीमासः (हि.स.)।
नरेन्द्र मोदी प्रधानमन्त्रिणा बुधवासरे इंडिया एआई इम्पैक्ट् शिखर-सम्मेलने भागं ग्रहीतुं आगतस्य पेटेरी ओर्पो महोदयस्य सह द्विपक्षीय-गोष्ठी कृता। अस्मिन् अवसरे उभयोः नेतृयोः मध्ये भारत-फिनलैंड् राष्ट्रयोः सहयोगं अधिकं सुदृढं कर्तुं विस्तीर्णा चर्चा अभवत्।
विदेशमन्त्रालयस्य प्रवक्ता रणधीर-जायसवालः सामाजिक-माध्यमे ‘एक्स्’ इत्यत्र अस्याः भेटकायाः विषये सूचनां प्रदत्तवान्। तेन उक्तं यत् उभयोः नेतृयोः मध्ये स्थिरता, डिजिटलीकरणं, कृत्रिम-बुद्धिमत्ता अनुसंधानम् तथा नैतिक-नवाचारः इत्यादिषु प्रमुखविषयेषु विचार-विमर्शः कृतः।
अस्यां गोष्ठ्यां मुख्यतया एतस्मिन् विषये केन्द्रितः आसीत् यत् भारतीय-मेधा कथं उभयोः देशयोः सहयोगं अधिकं सुदृढं कर्तुं शक्नोति।
अस्मिन् काले प्रधानमन्त्रिणा मोदी-महोदयेन एआई-क्षेत्रे उदयमान-नवाचार-केन्द्ररूपेण फिनलैंडस्य प्रयासाः प्रशंसिताः।
गोष्ठ्यां उभौ नेतारौ उत्तरदायी प्रतिभा-आधारित कृत्रिम-बुद्धिमत्तायाः प्रोत्साहनं दातुं तथा सतत-भविष्याय प्रौद्योगिकी-सक्षम-समाधानानाम् उपयोगे स्व-प्रतिबद्धतां पुनः अभ्यर्थितवन्तौ।
---------------
हिन्दुस्थान समाचार