Enter your Email Address to subscribe to our newsletters
कानपुरम्, 18 फरवरीमासः (हि.स.)।भारतीयप्रौद्योगिकीसंस्थानकानपुरद्वारा विकसितः शैक्षणिकमञ्चः “साथी” स्वमूल्यांकन परीक्षा सहायता मंच इति नाम्ना प्रसिद्धः, इंडिया एआई इम्पैक्ट समिट 2026 इत्यस्मिन् “शिक्षायां एआईस्य वास्तविकप्रभावः” इति विषयकस्य अन्ताराष्ट्रिय केसबुक् मध्ये समाविष्टः अस्ति। एषा पहल शिक्षा मंत्रालय भारतशासनस्य सहयोगेन सञ्चाल्यते। एषा उपलब्धिः देशे एआईआधारितशिक्षायाः प्रभावीप्रयोगदिशि महत्वपूर्णं पदम् इति मन्यते, येन विशेषतः ग्रामीणवञ्चितक्षेत्राणां विद्यार्थिनः लाभान्विताः भवन्ति।
समिट् कार्यक्रमे साथीमञ्चस्य एआईसक्षमस्य नूतनसंस्करणस्य शुभारम्भः अपि कृतः। अस्मिन् नूतनसंस्करणे एआईसंवादात्मकशिक्षकः, संशयनिवारणार्थं एआईआधारितसाधनानि, व्यक्तिगताध्ययनयोजना, अनुकूलिताध्ययनमार्गः, एआईमॉकपरीक्षा तथा विस्तृतप्रदर्शनविश्लेषणम् इत्यादयः सुविधाः योजिताः सन्ति। तदतिरिक्तं भ्रान्तिपरिचयव्यवस्था, एआईस्मार्टसारांशः, कटऑफपूर्वानुमानम्, व्यवसायपरामर्शः तथा अध्यापकानां कृते एआईशिक्षणसहायकसाधनानि अपि समाविष्टानि।
माध्यमप्रभारी सालोनी नागरकुट्टी बुधवासरे उक्तवती यत् साथीमञ्चः जेईई, नीट, सीयूईटी, क्लैट, एसएससी, आरआरबी, आईबीपीएस तथा आईसीएआर इत्यादीनां प्रमुखपरीक्षाणां तयारीषु विद्यार्थिनः सहायं करोति। अत्र बहुभाषी अध्ययनसामग्री पूर्णतया निःशुल्करूपेण उपलब्धा अस्ति।
साथीमञ्चस्य लक्ष्यम् अस्ति यत् प्रत्येकं विद्यार्थिनः समीपे गुणवत्तापूर्णा शिक्षा प्राप्येत। एआईप्रौद्योगिक्याः माध्यमेन अध्ययनं सरलम् व्यक्तिगतं च क्रियते। अन्तरराष्ट्रीयस्तरे प्राप्ता एषा मान्यता अस्माकं प्रयासान् अधिकं सुदृढान् करोति।
हिन्दुस्थान समाचार