Enter your Email Address to subscribe to our newsletters
चंडीगढ़म्, 18 फ़रवरीमासः (हि.स.)।
हरियाणा राज्यस्य क्रीडाराज्यमन्त्री गौरव गौतम घोषितवान् यत् प्रदेशस्य क्रीडकेभ्यः शीघ्रमेव षण्मासपर्यन्तं लंबितं डाइट् मनी इति भत्तं प्रदास्यते। एषा धनराशिः प्रायः ३३ कोटिरूप्यकाणि भवति। विपक्षेन उत्थापितान् प्रश्नान् निरस्य सः अवदत् यत् डाइट् मनी इत्यस्य बजट् षण्मासपर्यन्तं स्वीकृतं भवति। वर्तमानकाले बजट् अनुमोदितं जातम् अस्ति। सम्भवतः प्रदेशस्य बजट् पूर्वमेव एषा राशि क्रीडकेभ्यः प्रदत्ता भविष्यति।
तेन उक्तं यत् क्रीडकेभ्यः उत्तमानि आधारभूतसुविधानि प्रदास्यन्ते, येन अस्माकं क्रीडकाः राष्ट्रमंडलक्रीडा-ओलंपिकक्रीडा इत्यादिषु क्रीडासु पदकानां बहुलतां साधयितुं शक्नुवन्ति।
बुधवासरे चंडीगढ़ नगरे पत्रकारैः सह संवादे क्रीडामन्त्री अवदत् यत् वर्तमानाधारभूतसंरचनायाः आधारेण शासनात् बजट् याचितम् अस्ति। गतवर्षे राज्यबजटे क्रीडाविभागस्य कृते ५८९ कोटिरूप्यकाणां प्रावधानं कृतम् आसीत्। अस्मिन् वर्षे एषा राशि द्विगुणी भवितुम् संभावना अस्ति। प्रायः ८०० कोटिरूप्यकाणि केवलं क्रीडाधारभूतसंरचनासुधारार्थं व्ययितुं प्रस्तावितानि सन्ति।
केन्द्रशासनस्य वित्तीयप्रस्तावे अपि अस्मिन् वर्षे क्रीडाविभागस्य बजटे ३३ प्रतिशतवृद्धिः कृता अस्ति। हरियाणाराज्यस्य क्रीडाविभागेन राज्यशासनात् स्वबजटे प्रायः ५० प्रतिशतवृद्धेः आग्रहः कृतः अस्ति।
गौरव गौतमः उक्तवान् यत् राज्यस्य क्रीडाङ्गणेषु स्तम्भपतनादिघटनाः न भवन्तु तथा तेषु क्षेत्रेषु उत्कृष्टाः क्रीडकाः उत्पद्येरन् इति लक्ष्यं धार्यते। ३१ मार्चपर्यन्तं राज्ये क्रीडाधारभूतसंरचनां सुदृढीकर्तुं योजना अस्ति। अपि च राज्ये द्विचत्वारिंशत् क्रीडाङ्गणानि चिन्हितानि सन्ति, यत्र सुधारनिर्माणमरम्मतकार्याणां आवश्यकता अस्ति। ग्रामे ग्रामे क्रीडानर्सरीस्थापनस्य दिशि अपि कार्यं कर्तुं निर्देशाः प्रदत्ताः सन्ति।
---------------
हिन्दुस्थान समाचार