Enter your Email Address to subscribe to our newsletters
रायपुरम्, 19 फ़रवरीमासः (हि.स.)।
सहायकशिक्षकनियुक्तिः २०२३तमस्य वर्षस्य २३०० रिक्तपदानां नियुक्त्यर्थं गत ५७ दिनानि आमरणानशनं कुर्वन्तः डीएड् प्रशिक्षिताः अभ्यर्थिनः शारीरिकमानसिकदृष्ट्या चिन्ताजनकां स्थितिं प्राप्तवन्तः। आन्दोलनस्य ५६ तमदिने रात्रौ तथा ५७ तमदिनस्य १९ फेब्रुवारी प्रातःकाले नवरायपुरस्थे तूता धरनास्थले क्रुद्धाः अभ्यर्थिनः ज्वलदङ्गारान् उपरि नग्नपादैः गत्वा स्वविरोधं प्रकटितवन्तः।
तत्क्षणानन्तरं १९ फेब्रुवारी प्रातःकाले पुलिसबलैः धरनास्थलस्य रिक्तीकरणार्थं जलप्रक्षेपयन्त्रस्य उपयोगः कृतः तथा प्रदर्शनकारिणः निग्रहे नीताः। शासनतः सकारात्मकप्रयत्नस्य अभावे आन्दोलनकारिणः सामूहिकरूपेण अग्निं प्रज्वाल्य अङ्गारमार्गेण गत्वा विरोधं दर्शितवन्तः।
रायपुरनगरे डीएड् तथा बीएड् प्रशिक्षितानाम् अभ्यर्थिनाम् एषः अनशनः २४ दिसम्बर २०२५ दिनात् आरब्धः। ते २३०० रिक्तपदानां नियुक्तिः तथा आदिवासीअभ्यर्थिभ्यः आरक्षितेषु १६०० पदेषु नियुक्त्यर्थं आमरणानशनं कुर्वन्ति। २५ फेब्रुवारी दिने शिक्षामन्त्रिणः निवासस्य अतिक्रमणम् अपि कृतम्। ९ फेब्रुवारी २०२६ दिने ४८ तमदिने अनशनकारणात् अनेकेषां स्वास्थ्यं विगतम्, ते शय्यायन्त्रेण चिकित्सालयं नीताः।
५७ तमदिने पुनः ज्वलदङ्गारेषु गत्वा प्रदर्शनं कृतम्, अनन्तरं पुलिसबलैः जलप्रक्षेपेण हस्तक्षेपः कृतः। परिस्थिति अतीव गम्भीरा अभवत्, अग्निशमनदलस्य साहाय्येन अग्निः निरुद्धः। पुलिसबलप्रदर्शनकारिणोः मध्ये संघर्षः अभवत्, यस्मिन् चत्वारः अभ्यर्थिनः गम्भीररूपेण आहताः मूर्च्छिताश्च अभवन्। ते अभनपुरचिकित्सालयं प्रेषिताः। अनन्तरं सर्वे अभ्यर्थिनः बसयानैः नीताः सेंट्रल् जेल् प्रेषिताः।
अभ्यर्थिनः वदन्ति यत् १६०० अधिकानि अनुसूचितजनजातिपदानि अद्यापि रिक्तानि सन्ति। न्यायालयादेशेषु अपि नियुक्तिः न कृता, अतः आदिवासीयुवानां तेषां परिवाराणां च मध्ये रोषः वर्धते। अनेकैः अभ्यर्थिभिः मुख्यमन्त्रिणे, राज्यपालाय, शिक्षामन्त्रिणे च स्वकीयेन रक्तेन पत्रं लिखित्वा एकमेव आग्रहः कृतः — “अस्मभ्यं नियुक्तिपत्रं दातव्यम्।”
प्रदेशकाङ्ग्रेसाध्यक्षः दीपक बैज रात्रौ सेंट्रल् जेल् आगत्य अभ्यर्थिभिः सह मिलितवान्, तेषां मागण्याः समर्थनं कृत्वा सरकारं शीघ्रं कार्यवाहीं कर्तुं आह्वयत्।
आन्दोलनकारिणः भारतस्य सर्वोच्चन्यायालयस्य २८ अगस्त २०२४ दिनाङ्कस्य आदेशं तथा छत्तीसगढ़ उच्चन्यायालयस्य सितम्बर २०२५ आदेशं उद्धृत्य वदन्ति यत् प्राथमिकशिक्षकपदेषु डीएड् धारकाणां पात्रता स्वीकृता इति निर्दिष्टम्।
हिन्दुस्थान समाचार