Enter your Email Address to subscribe to our newsletters
बिहारशरीफम् 19 फ़रवरीमासः (हि.स.)।
नालंदा-नवादा-जिल्लयोः दरिद्राणां तथा कुटीरज्योति (बीपीएल) विद्युत्-उपभोक्तॄणां कृते सरकारेण महत्त्वपूर्णा पहल आरब्धा। विद्युत्-देयभारस्य न्यूनीकरणाय हरित-ऊर्जायाः प्रोत्साहनार्थं च पात्रपरिवाराणां गृहच्छदेषु निःशुल्क-सौर-पट्टिकास्थापन-योजना प्रारब्धा अस्ति।
अस्याः योजनायाः अन्तर्गतं लाभार्थिनः परिवाराः दिवाकाले पङ्खान्, दीपान् अन्यानि आवश्यक-उपकरणानि च सौर-ऊर्जया सञ्चालयितुं शक्नुवन्ति, येन विद्युत्-व्यये शमनं भविष्यति। वर्तमानकाले नालंदा-जिले ९३००० तथा नवादा-जिले ९१५०० कुटीरज्योति-विद्युत्-उपभोक्तारः सन्ति।
विद्युत्-निगमेन उपभोक्तृभ्यः अनुरोधः कृतः यत् ते २८ फरवरी-तिथेः पूर्वं स्वसहमति अनिवार्यतया प्रदद्यु: यतः प्रथमचरणे एव सौर-इकाई-स्थापन-प्रक्रिया सम्पन्ना भवेत्। आवेदन-प्रक्रिया सर्वथा सरल-डिजिटल-रूपेण निर्मिता अस्ति। उपभोक्तारः गृहे उपविश्य ‘सुविधा-एप्’ इत्यस्य माध्यमेन आवेदनं कर्तुं शक्नुवन्ति।
तदर्थं गूगल-प्ले-स्टोर् इत्यस्मात् एप् अवतार्य “रूफटॉप-सोलर-पट्टिका-स्थापनार्थं सहमति (कुटीरज्योति)” इति विकल्पं चिन्तनीयम्। अनन्तरं उपभोक्ता-संख्या प्रविश्य ओटीपी-सत्यापनं कर्तव्यम्, आधार-कार्ड्, मतदाता-परिचय-पत्रं तथा बीपीएल-कार्ड् इत्यादीनि आवश्यक-दस्तावेजानि अपलोड् कृत्वा आवेदनं समर्पणीयम्।
ये उपभोक्तारः स्मार्टफोन-उपकरणेन रहिताः सन्ति, ते सम्बन्धित-प्रमण्डल-कार्यालयस्य सुविधा-काउण्टरं वा समीपस्थ-वसुधा-केन्द्रस्य साहाय्यं प्राप्नुयुः। विभागीय-सुविधा-काउण्टर् मध्ये एषा सेवा निःशुल्कतया उपलभ्यते।
विभागेन सर्वेभ्यः पात्र-उपभोक्तृभ्यः आह्वानं कृतं यत् अन्तिम-तिथेः प्रतीक्षां विना समये एव आवेदनं कुर्वन्तु, येन योजनायाः लाभः अधिकाधिक-परिवारान् प्रति प्राप्येत।
---------------
हिन्दुस्थान समाचार