Enter your Email Address to subscribe to our newsletters
-सर्वकारि योजनासु द्विदिवसीयायाः चित्र प्रदर्शन्याः आरंभः
नारनाैलम्, 19 फ़रवरीमासः (हि.स.)।
नारनौल-स्थिते राजकीयमहाविद्यालये गुरुवासरे केन्द्रसर्वकारस्य महत्त्वाकाङ्क्षी-योजनानां विषयकः द्विदिवसीय-जागरूकता-प्रदर्शनी-कार्यक्रमस्य भव्यः शुभारम्भः अभवत्। कार्यक्रमस्य उद्घाटनं मुख्यातिथिः भारतीय जनता पार्टी-जिलाध्यक्षः डॉ यतेन्द्ररावः दीपप्रज्वलनपूर्वकं कृतवान्।
प्रदर्शनीम् अवलोकयन् मुख्यातिथिः अवदत् यत् केन्द्रसरकारस्य लक्ष्यं समाजस्य अन्तिमपुरुषपर्यन्तं विकासं प्रापयितुम् अस्ति। सः युवान् आहूय उक्तवान् यत् विकसितभारतस्य स्वप्नसाकारार्थं युवभिः शासकीय-योजनानां सम्यग्ज्ञानं प्राप्त्वा अग्रे आगन्तव्यम्। तेन विशेषतः केन्द्रीयराजस्वस्य २०२६-२७ तथा आत्मनिर्भरभारतदिशि कृतानां पदानां प्रशंसा कृता।
महाविद्यालयस्य प्राचार्यः डॉ राजवीरसिंहः अवदत् यत् सूचना एव सशक्तीकरणस्य आधारः अस्ति। कार्यक्रमे मुख्यजिलाप्रबन्धककार्यालयात् वित्तीयसाक्षरता-परामर्शदाता डॉ दयानन्दयादवः जनधन-मुद्रा-जीवनज्योति-बीमा-योजना इत्यादीनां बैंकिङ्ग-योजनानां सूक्ष्मतत्त्वानि विस्तरेण अवोचत्।
तथा पंचायतसचिवः भगतसिंहः ‘विकसितभारत-जी रामजी’ योजना-माध्यमेन ग्राम्याधारभूत-संरचनासु जातान् सुधारान् प्रकाशयामास। यूथ एजुकेशन सोसाइटी जींद-संस्थायाः सांस्कृतिकदलम् गीत-नाटकादिभिः जटिल-योजनानां सरलभाषया सामान्यजनानां पुरतः प्रस्तुतीकरणम् अकरोत्।
अस्मिन् अवसरे विद्यार्थिनां कृते पोस्टर-निर्माण-प्रतियोगिता, भाषण-प्रतियोगिता, प्रश्नोत्तरी-प्रतियोगिता च आयोजिता।
---------------
हिन्दुस्थान समाचार