चेन्नईनगरम्, १९ फरवरीमासः (हि.स.)। तमिलनाडु-विधानसभा-निर्वाचनस्य पृष्ठभूमौ ज्ञानेशकुमारस्य तमिलनाडु-राज्यस्य प्रवासः निश्चितः जातः। सः २६ तथा २७ फरवरीमासयोः राज्यस्य भ्रमणं करिष्यति।

मुख्य-निर्वाचन-आयुक्तः २६ फरवरीमासे (गुरुवासरे) तथा २७ फरवरीमासे (शुक्रवासरे) चेन्नई-नगरे निवत्स्यति। स्वीय-भ्रमणकाले सः राज्यस्य मान्यताप्राप्त-राजनैतिक-दलानां प्रतिनिधिभिः, जनपद-निर्वाचन-अधिकारिभिः, वरिष्ठ-आरक्षी-अधिकारिभिः तथा अन्यैः प्रशासनिक-अधिकारिभिः सह महत्त्वपूर्णाः समालोचनासभाः करिष्यति।

अस्य प्रवासस्य अनन्तरं तमिलनाडु-विधानसभा-निर्वाचनस्य तिथिः अन्तिमरूपेण निश्चिता भविष्यति। सम्भाव्यते यत् मार्चमासस्य मध्यभागे निर्वाचन-कार्यक्रमस्य घोषणा भविष्यति, तदनन्तरं च आचारसंहिता प्रवर्तिष्यते।

तमिलनाडु-राज्येन सह पुडुचेरी-केरल-असम-पश्चिमबंगाल-इत्येतेषु पञ्चसु राज्येषु आयोज्यमानानां विधानसभा-निर्वाचनानां दृष्ट्या निर्वाचन-आयोगस्य उप-आयुक्त-दलरन सम्बद्ध-राज्यानि भ्रमन् अस्ति तथा च शासकीय-विभागानां अधिकारिभिः सह समीक्षासभाः आयोजयति।

मुख्य-निर्वाचन-आयुक्ताय प्रतिवेदनं समर्पयिष्यते

अद्यतनकाले एषा टोली तमिलनाडु-राज्यं आगत्य द्विदिनपर्यन्तं शासकीय-अधिकारिभिः, आरक्षी-अधिकारिभिः तथा मान्यताप्राप्त-राजनैतिक-दलानां प्रतिनिधिभिः सह विचार-विमर्शं कृतवती। तासु सभासु गृहीतानां निर्णयानां प्रतिवेदनं मुख्य-निर्वाचन-आयुक्ताय समर्पयिष्यते। तदाधारेण मुख्य-निर्वाचन-आयुक्तः स्वयं तमिलनाडु-राज्यं भ्रमित्वा अधिकारिभिः सह पुनः समीक्षासभां करिष्यति।

तमिलनाडु-राज्ये विधानसभा-निर्वाचनस्य सज्जा तीव्रगत्या प्रवर्तते। निर्वाचनं दृष्ट्वा राज्यव्यापि विशेष-मतदाता-सूची-पुनरीक्षण-अभियानम् सञ्चालितम्। अस्मिन् अभियाने स्थानान्तरित-मतदातारः, दिवङ्गत-मतदातारः तथा द्विस्थानेषु पञ्जीकृत-मतदातारश्च समाविष्टाः; एतैः सह प्रायः एक-लक्ष-परिमितानि नामानि मतदाता-सूच्याः अपसारितानि। ततः परं अन्तिम-मतदाता-सूची २३ तमे दिने निर्गमिष्यति।

हिन्दुस्थान समाचार / अंशु गुप्ता