Enter your Email Address to subscribe to our newsletters
नवदिल्ली, 19 फ़रवरीमासः (हि.स.)।
भारतीयस्वातन्त्र्यसङ्ग्रामस्य अमरनायकं महान् समाजसुधारकं शिक्षाविदं च गोपाल कृष्ण गोखले स्मृत्वा तस्य पुण्यतिथौ केन्द्रीयगृहमन्त्री अमित शाह सह शीर्षनेतारः श्रद्धाञ्जलिं समर्पितवन्तः।
केन्द्रीयगृहमन्त्री अमित शाह सामाजिकमाध्यममञ्चे एक्स इत्यत्र तं नत्वा उक्तवान् यत् गोपालकृष्णगोखले युवान् स्वाधीनतायाः आन्दोलनसङ्ग्रहे संयोज्य तान् स्वतन्त्रतायै प्रेरितवान्। सः अस्पृश्यतानिवारणाय समाजसुधाराय च निरन्तरं कार्यं कृतवान्। देशहितविषयेषु तस्य स्पष्टवादिता प्रसिद्धा आसीत्।
सडकपरिवहनमन्त्री नितिन गडकरी कुशलं राजनैतिकसामाजिकनेतारं तथा वैधानिकराजनीत्याः माध्यमेन स्वातन्त्र्यसङ्ग्रामस्य आधारं संस्थापितवन्तं गोपालकृष्णगोखले स्मृत्वा नमनं कृतवान्।
कृषिकल्याणग्रामीणविकासमन्त्री शिवराज सिंह चौहान उक्तवान् यत् मातृभारत्याः वीरसुतं महान् स्वातन्त्र्यसङ्ग्रामसेनानीं समाजसुधारकं च गोपालकृष्णगोखले प्रति विनम्रां श्रद्धाञ्जलिं ददामि। तस्य ओजस्विनो विचाराः आदर्शजीवनं च सर्वान् राष्ट्रसेवायै जनकल्याणाय च सदा प्रेरयिष्यन्ति।
केन्द्रीयवस्त्रमन्त्री गिरीराज सिंह अपि स्वाधीनतासङ्ग्रामस्य महान् सेनानीं समाजसुधारकं च गोपालकृष्णगोखले स्मृत्वा नमनं कृतवान्।
भारतीय जनतादलस्य राष्ट्रियाध्यक्षः नितिन नवीन अपि तस्य पुण्यतिथौ श्रद्धाञ्जलिं अर्पितवान्। तेन उक्तं यत् राष्ट्रसेवायाः शिक्षाविस्तारस्य जनजागरणस्य च प्रति तस्य समर्पणं सर्वान् जनसेवायै प्रेरयति।
भारतीय राष्ट्रीय कांग्रेस राष्ट्रीयाध्यक्षः मल्लिकार्जुन खरगे गोपालकृष्णगोखले प्रति श्रद्धाञ्जलिं दत्त्वा उक्तवान् यत् उपनिवेशशासनस्य विरोधे तस्य अतुलनीयं योगदानं पीढीः न्यायस्वातन्त्र्यराष्ट्रनिर्माणदिशि प्रेरयिष्यति।
उत्तरप्रदेशस्य मुख्यमन्त्री योगी आदित्यनाथ उक्तवान् यत् भारतीयस्वातन्त्र्यआन्दोलने वैचारिकदिशानिर्देशने समाजसुधारे च तस्य योगदानं राष्ट्रनिर्माणस्य अमूल्यं धरोहरम् अस्ति। तस्य आदर्शाः विचाराश्च लोकतान्त्रिकचेतनां सदा प्रेरयिष्यन्ति।
दिल्लीमुख्यमन्त्री रेखा गुप्ता गोपालकृष्णगोखले स्मृत्वा उक्तवती यत् देशस्य स्वातन्त्र्याय सः संवैधानिकमर्यादासु शुचितापूर्णराजनीत्याः सह निरन्तरं वैचारिकसंघर्षं कृतवान्। तस्य प्रखरविद्वत्ता जनकल्याणनिष्ठा च अद्यापि सर्वेषां प्रेरणास्रोतः अस्ति।
हरियाणामुख्यमन्त्री नयाब सिंह सैनी तथा उत्तराखण्डमुख्यमन्त्री पुष्कर सिंह धामी अपि गोपालकृष्णगोखले प्रति श्रद्धाञ्जलिं समर्प्य उक्तवन्तौ यत् सामाजिकउत्थाने शिक्षाविस्तारे राष्ट्रभावनाजागरणे च तस्य योगदानं सदा प्रेरणादायकं भविष्यति।
------------------
हिन्दुस्थान समाचार