नव दिल्ली, 20 फरवरीमासः (हि.स.)।

मोहन यादवेन मध्य प्रदेश राज्यस्य मुख्यमन्त्रिणा इंडिया एआई इम्पैक्ट संगोष्ठ्याम् उक्तं यत् राज्ये कृषिक्षेत्रे कृत्रिमबुद्धेः उपयोगः अधिकतया वर्धयिष्यते।

मध्यप्रदेशः कृषिप्रधानः राज्यः अस्ति। सः गोधूम धान्य सोयाबीनोत्पादने देशे अग्रगण्यः अस्ति। कृषकाणां उत्पादनक्षमतावृद्धये, सस्येषु उत्पद्यमानानां रोगाणां समये एव पहचानं निवारणं च कर्तुं कृत्रिमबुद्धेः उपयोगः कर्तुं शक्यते। प्राकृतिकआपदाभ्यः संरक्षणे, यथोचितऔषधानां उपलब्धतासुनिश्चये च एआई अत्यन्तं सहायकं भविष्यति।

मुख्यमन्त्री उक्तवान् यत् आरोग्यक्षेत्रे अपि एआई इत्यस्य उपयोगः वर्धयिष्यते, येन रोगाणां समये एव निदानं सम्यक्चिकित्सा च सम्भविष्यति। राज्यसरकारः आगामिकाले अनेकेभ्यः कम्पनीभ्यः सह संयुक्तरूपेण कार्यं करिष्यति तथा तेषां निवेशलाभं स्वीकरिष्यति। महानगरेषु लघुनगरेषु च आईटी पार्क इत्यस्य प्रोत्साहनं क्रियते, येन युवानां रोजगारावसराः वर्धेरन्।

मुख्यमन्त्री उक्तवान् यत् राज्यसरकारः एआई स्टार्टअप्स इत्येतान् अपि प्रोत्साहयति तथा तेषां शासनसह कार्यकरणस्य अवसरान् दास्यति। शिक्षा उद्योग पर्यटन ऊर्जा संरक्षण इत्यादिषु क्षेत्रेषु अपि एआई इत्यस्य सम्भावनाः अन्विष्यन्ते। एतेषु क्षेत्रेषु बहुभिः कम्पनीभिः सह सहमतिपत्राणि कृतानि, निवेशकाः आमन्त्रिताश्च।

सः अवदत् यत् आत्मनिर्भरभारत आत्मनिर्भरमध्यप्रदेश इत्यस्य दिशि राज्यं शीघ्रगत्या अग्रे सरति। एआई उपयोगेन कृषि आरोग्य शिक्षा उद्योग ऊर्जा संरक्षण इत्यादिषु क्षेत्रेषु नूतनाः सम्भावनाः उद्घाट्यन्ते, भविष्ये मध्यप्रदेशः अस्मिन् सम्पूर्णक्षेत्रे महत्त्वपूर्णां भूमिकां निर्वहिष्यति।

संगोष्ठ्यां कालीनसमये मुख्यमन्त्री गूगलाधिकारिभिः सह अपि मिलितवान् तथा तकनीकीसहयोगस्य विषये चर्चा कृता। एआई सह संयोज्य विश्वेन सह समं पदं स्थापयितुं एषः उत्तमः अवसरः अस्ति। राज्यसरकारः कम्प्यूटिंग अधोसंरचना प्रतिभाविकास स्टार्टअप समर्थन उद्योगोपयोग अनुसंधान नवोन्मेष च प्रोत्साहयितुं प्रयत्नशीलः अस्ति। वैश्विकप्रौद्योगिक्षेत्रस्य अग्रणीकम्पनीप्रतिनिधिभिः सह अपि विस्तीर्णा चर्चा अभवत्। अस्मिन् अवसरे राज्ये एआई अधोसंरचनां सुदृढां कर्तुं, सुशासनं तकनीकीदृष्ट्या सक्षमं निर्मातुं, ऊर्जा कुशल भविष्याभिमुख डेटा केन्द्राणि विकासयितुं च महत्त्वपूर्णाः सहमतयः कृताः।

---------------

हिन्दुस्थान समाचार