चतरानगरम्, २० फरवरीमासः (हि.स.)। राजकीय-इटखोरी-महोत्सवस्य अवसरे त्रिधर्म-सङ्गम-स्थली इटखोरी तथा धार्मिक-स्थले स्थितं माताभद्रकालीमन्दिर-देव्याः दरबारं नानाविध-सज्जया दीप-प्रकाशैश्च अलङ्कृत: सन् आगच्छतां श्रद्धालूनां मध्ये विशेषं आकर्षण-केंद्रं जातम्। महोत्सव-काले प्रातःकाले एव आरभ्य रात्रौ विलम्बित-प्रहरपर्यन्तं दूर-दूरात् श्रद्धालवः मातुः दरबारं आगच्छन्ति। ते च मन्दिर-परिसरस्य सज्जां स्वीयेषु चल-चित्र-यन्त्रेषु (मोबाइल्-कैमरा-यन्त्रेषु) चित्ररूपेण ग्रहीतुं प्रवृत्ताः सन्ति। महोत्सव-दिनेषु माता-भद्रकाली-देव्याः दरबारं निरन्तरं आकर्षण-केंद्रत्वेन विराजते, तथा एतत् स्थलं ‘सेल्फी-पॉइण्ट्’ इति रूपेण अपि ख्यातिम् आप्नोति।

अस्मिन् वर्षे दरबारस्य अलङ्करणाय नानाविधा: आकर्षक-दीप-प्रकाशा: तथा कोलकाता-नगरात् आनीतानि पुष्पाणि प्रयुक्तानि सन्ति। भद्रकाली-मन्दिरं तस्य आसन्न-परिसरश्च पुष्पैः, ध्वजैः, विज्ञापन-चिह्नैः, नानावर्ण-दीप-प्रभाभिश्च मनोहरतया सुसज्जितः अस्ति। अत्र आगतानां भक्तानां हृदयेषु आस्था-भक्ति-समन्विता भव्य-अनुभूतिः जागर्ति।

अस्मिन् एव वर्षे मन्दिर-परिसरस्य पश्चिम-दिशि स्थिते पवित्रे मुहाने-नद्या: तटे अपि विशेषतया अलङ्करणं कृतम्। तत्र महोत्सवस्य प्रथम-दिने गङ्गा-आरार्तिक्या: कार्यक्रमः अपि सफलतया आयोजितः।

हिन्दुस्थान समाचार / अंशु गुप्ता