Enter your Email Address to subscribe to our newsletters
बागलकोटम् (कर्नाटकम्), 20 फरवरीमासः (हि.स.)। कर्नाटकस्य बागलकोटनगरे गुरुवासररात्रौ छत्रपति शिवाजी महाराजस्य जयन्त्याः अवसरस्य निमित्तं निष्कास्यमानस्य शोभायात्रायाः समये पाषाणक्षेपणस्य घटनया तनावपूर्णा स्थिति उत्पन्ना अभवत्।
एषा घटना नगरस्य किल्ला ओणी इति क्षेत्रे तस्मिन् समये अभवत् यदा शोभायात्रा मस्जिदस्य समीपम् आगता आसीत्। आरोपः अस्ति यत् तस्मिन् समये द्वौ पाषाणौ शोभायात्रायाः उपरि पतितौ, ततः वातावरणं विषमम् अभवत्।
अस्यां घटनायां हिन्दूकार्यकर्ता प्रकाश अरकेरी इत्यस्य शिरसि आघातः अभवत्। सः निजी चिकित्सालये प्रवेशितः। अस्मिन् एव काले सब्जी बाजार क्षेत्रे त्रयः ठेलागाडयः अग्निना दग्धाः। प्रभावितव्यापारी जन्नतबी दोड्डमनी इत्याख्याता अवदत् यत् तस्याः ठेलागाडी दग्धा भस्मसात् अभवत्, यस्मिन् नगदराशिः सह सर्वं सामानं नष्टम् अभवत्।
सूचनां प्राप्त्वा पुलिसबलं त्वरितं स्थलम् आगत्य स्थितिं नियन्त्रणं कृतवान्। बागलकोटस्य पुलिस अधीक्षकः सिद्धार्थ गोयल इत्यनेन उक्तं यत् परिस्थितिः नियन्त्रणाधीना अस्ति। स्थले अतिरिक्तं पुलिसबलं नियुक्तम् अस्ति। घटनासम्बद्धानां दृश्यचित्राणां परीक्षणं क्रियते। आरोपितानां परिचयः कृतः शीघ्रं गृहीताः भविष्यन्ति इति आश्वासनं दत्तम्।
घटनायाः विरोधेन हिन्दूसंस्थाः युवजनाश्च प्रदर्शनं कृत्वा पाषाणक्षेपकानां शीघ्रग्रहणस्य मागं कृतवन्तः। ते चेतावनीं दत्तवन्तः यत् यदि आरोपिताः न गृहीताः तर्हि बागलकोटनगरं बन्दं क्रियते।
तनावपूर्णपरिस्थितेः दृष्ट्या बागलकोट नवानगर विद्यागिरी च एतेषु क्षेत्रेषु चतुर्विंशतितिथेः मध्यरात्रिपर्यन्तं निषेधाज्ञा प्रवर्तिता अस्ति। उपविभागीयाधिकारी संतोष जगलासर इत्यस्य आदेशानुसारं सार्वजनिकस्थलेषु चतुर्भ्यः अधिकानां जनानां समागमः आयुधधारणं तथा अनुमतिविना सभासमारोहाणां आयोजनं निषिद्धम् अस्ति। वर्तमानसमये क्षेत्रे स्थितिः नियन्त्रणाधीना इति सूच्यते।
---------------
हिन्दुस्थान समाचार