Enter your Email Address to subscribe to our newsletters
नव दिल्ली, 20 फ़रवरीमासः (हि.स.)। प्रधानमन्त्री नरेन्द्रमोदी ज्ञानस्य अनन्ततां तस्य च अक्षुण्णपूर्णतां विषयीकृत्य स्वविचारान् अभ्यधात् यत् सत्यम् ज्ञानं वितरणेन न क्षीयते, अपितु अधिकं विस्तरति समृद्ध्यति च।
ते अवदन् यत् वर्तमानज्ञानात् शिक्षां गृह्णन् नवीनफलोत्पादनं कुर्वन् मानवः अनन्ताः नूतनाः सम्भावनाः नवोन्मेषांश्च जनयति, यदा मूलप्रज्ञा तु तथैव अविचलिता तिष्ठति।
प्रधानमन्त्री ईशोपनिषदः शाश्वतज्ञानस्य उल्लेखं कृत्वा सामाजिकमाध्यमे एक्स इति माध्यमे संस्कृतश्लोकं सह कृतवान्—“पूर्णमदः पूर्णमिदं पूर्णात् पूर्णमुदच्यते।पूर्णस्य पूर्णमादाय पूर्णमेवावशिष्यते॥”
अस्य अर्थः अस्ति यत् परमसत्यं ब्रह्म वा अनन्तं अखण्डं च अस्ति। तस्मात् सृष्टेः उत्पत्तौ अपि तस्य पूर्णतायां काचिदपि न्यूनता न भवति। एषः श्लोकः अस्मान् शिक्षयति यत् ज्ञानं ऊर्जा सृजनशीलता च यावत् अधिकं वितर्यन्ते तावत् अधिकं वर्धन्ते; तेषां मूलसत्ता सर्वदा पूर्णा अविनाशी च भवति।
---------------
हिन्दुस्थान समाचार