फर्रुखाबादनगरम्, २१ फरवरीमासः (हि.स.)। उत्तरप्रदेशराज्ये फर्रुखाबादजनपदे राजेपुरविकासखण्डे, डॉ.पल्लव: सोमवंशी ब्लॉकप्रमुखपदे नियुक्तः अभवत्। तस्मिन् अवसरे अनेकानि चतुर्मुखीविकासकार्याणि सम्पादितानि। सः गोवर्धनस्य कृते गोशालाः निर्मितवान्, एवं क्षेत्रस्य आवागमनं सुलभं कर्तुं शताधिकानि मार्गाणि निर्मितानि। एतेषां विकासकार्याणां दृष्ट्या शासनस्तरात् राजेपुरविकासखण्डाय एकः कोटिः वित्तं पुरस्काररूपेण प्रदत्तम्।

शासनात् प्राप्ते पुरस्कारसन्दर्भेडॉ.पल्लव: उक्तवान् यत् २० जुलाईमासे २०२१ तमे वर्षे स: राजेपुरविकासखण्डस्य ब्लॉकप्रमुख: नियुक्तः। ततः अनन्तरं असहायगवां कृते अमृतपुरे च राजेपुरे च गोशालाः निर्मिताः। क्षेत्रजनानां आवागमनसमस्यां प्राथमिकतया दृष्ट्वा शताधिकमार्गाः निर्मिताः। बाढपीडितानां साहाय्याय स: स्वपणकैश्च नौकाप्रदानं कृतवान्, खाद्यान्नवितरणं च कृतम्। शुद्धपेयजलव्यवस्थायै सिंचानाय च साधनानि संगृहीतानि। एतेषां उत्तमानां कार्याणां दृष्ट्या सर्वकारात् एककोटिवित्तं पुरस्काररूपेण प्रदत्तम्। अस्य वित्तस्य उपयोगेन आंगनबाड़ीकेंद्रभवनं, सौरशक्तिसंस्था: स्थाप्यन्ते। शिक्षासंवर्धनार्थं पुस्तकालयस्य निर्माणम् अपि कर्तुं योजना कृता।

क्षेत्रजनानां अभिप्रायःक्षेत्रजनाः उक्तवन्तः यत् दंतरोगविशेषज्ञः डॉ.पल्लव: सोमवंशी जनानां आवश्यकता: सम्यक् अवगत्य, पूर्णसहाय्यं प्रदत्तवान्। शासनात् प्राप्ते विकासवित्तस्य सूचनां श्रुत्वा जनाः मुक्तकंठेन तं प्रशंसन्ति।डॉ.पल्लव: सोमवंशी इत्यस्य पिता सत्यपालसिंहः वरिष्ठः भाजपा नेता सत्यपालसिंह: इत्यस्ति। स: पितु: पदचिह्नान् अनुसृत्य राजेपुरजनानां हृदयेषु स्थानं प्राप्नुवन्ति। राजेपुरविकासखण्डे ८२ ग्रामसभाः सन्ति, येषु स्वास्थ्य-शिक्षा-मार्गाः च सम्यक् व्यवस्थिताः।

जनपदाधिकारी आशुतोषकुमार: द्विवेदी शनिवासरे उक्तवान् यत् उत्तमकृत्याय राजेपुरविकासखण्डाय एककोटिवित्तं पुरस्काररूपेण प्रदत्तम्, यत् क्षेत्रपञ्चायतधनागारे अवमुक्तं कृतम्।

हिन्दुस्थान समाचार / अंशु गुप्ता