देहरादूननगरम्, २१ फरवरीमासः (हि.स.)। उत्तराखण्ड–क्रीडा–विश्वविद्यालयस्य प्रथम–प्रबन्ध–परिषद्–सभा शनिवासरे लोक–भवने राज्यपालस्य लेफ्टिनेन्ट–जनरल् गुरमीतसिंहस्य (से.नि.) आध्यक्षे आयोजिताऽभवत्। अस्यां सभायां ‘ग्रामात् ओलम्पिकं प्रति’ दृष्ट्याः विशेष–बलं प्रदर्शितम्। विश्वविद्यालयस्य शैक्षणिक:, प्रशासनिक: अवस्थापना–संबन्धिन्याः च रूपरेखायाः विषये विस्तीर्ण–चर्चा अभवत्।

कुलपतिः अमितकुमार: सिन्हा विश्वविद्यालयस्य स्थापना, प्रस्तावित-पाठ्यक्रमाः, मानवसंपदा, प्रशासनिक–संरचनां तथा आधारभूत–सुविधानां विकास: इत्यादिषु विस्तृतं प्रस्तुतीकरणं कृतवान्। शिक्षण–प्रशासनिक–पदानां सृष्टेः प्रस्तावेषु विचार–विमर्शे औचित्येन प्रस्तावाः शासनाय प्रेषणीयाः इति सहमति: अभवत्।

सभायां अवबोधितं यत् विश्वविद्यालयस्य परिकल्पना वर्षे २०२२ तमे कृता। तस्य अधिनियमः मार्चमासे २०२५ तमे पारितः, तथा ५ मईमासे २०२५ तमे राज्यपालस्य अनुमोदनं प्राप्तम्। विश्वविद्यालयस्य मुख्यालयः गौलापार, हल्द्वानी इत्यस्मिन् स्थाप्यते, यः “मिशन ओलम्पिक २०३६” लक्ष्यानुसारं विकासितः भवति।

राज्यपालः उक्तवान् – “क्रीडा–विश्वविद्यालयः केवलं प्रमाणपत्र–प्रदानाय सीमितः न भवेत्, किन्तु उत्कृष्ट–क्रीडा–संस्कृतेः निर्माणस्य केन्द्रं भवेत्।” स: ‘ग्रामात् ओलम्पिकं’ अवधारणां प्रवर्धयन् ग्रामीण–प्रदेशेषु क्रीडा–प्रतिभानां चिन्हनम्, प्रशिक्षणम् तथा प्रोत्साहनं विशेष–बलेन करणीयम् इति निर्दिष्टवान्। अन्यै: क्रीडा–विश्वविद्यालयैः संस्थाभिः च सन्धि–ज्ञापनानि (एमओयू) कृत्वा प्रशिक्षणम्, अनुसन्धानं तथा तन्त्रज्ञान–सहयोगं प्रवर्धयितुं निर्देशाः दत्ताः।

सभायां कुलसचिवः डॉ.आशीषचौहान:, अपर–सचिवः मनुजगोयल:, अपर–सचिवः नवनीतपाण्डेयः अन्ये सदस्याः उपस्थिताः आसन्।

हिन्दुस्थान समाचार / अंशु गुप्ता