Enter your Email Address to subscribe to our newsletters
नव दिल्ली, 22 फरवरीमासः (हि.स.)।
भारत-निर्वाचन-आयोगः (ईसीआई) चतुर्विंशतितमे फरवरी-मासस्य दिने नूतन-दिल्ल्यां स्थिते भारत-मण्डपम् इति स्थले ईसीआई-राज्य-निर्वाचन-आयुक्तानां राष्ट्रिय-गोलमेज-सम्मेलनम् आयोजयिष्यति। मुख्य-निर्वाचन-आयुक्तः ज्ञानेश-कुमारः सम्मेलनस्य अध्यक्षतां करिष्यति।
निर्वाचन-आयोगस्य कथनानुसारम् एषः गोलमेज-सम्मेलनः सप्तविंशति-वर्षाणां अन्तरालेन अनन्तरं आयोज्यते। पूर्वतमा बैठकः वर्षे १९९९ मध्ये सम्पन्ना आसीत्। एषा बैठक देशे निर्वाचन-प्रक्रियायाः अधिक-पारदर्शिता तथा तकनीकी-दृष्ट्या सुदृढीकरणस्य दिशि आयोज्यते। सम्मेलनस्य अवसरः निर्वाचन-आयुक्तौ डॉ. सुखबीर-सिंह-संधू तथा डॉ. विवेक-जोशी अपि उपस्थितौ भविष्यतः।
सर्वेषां राज्याणां केन्द्र-शासित-प्रदेशानां च राज्य-निर्वाचन-आयुक्ताः स्वकीयैः विधि-तांत्रिक-विशेषज्ञैः सह सम्मेलनम् उपस्थिताः भविष्यन्ति। सर्वेषां षट्-त्रिंशत् राज्य-केन्द्र-शासित-प्रदेशानां मुख्य-निर्वाचन-अधिकारीणः (सीईओ) अपि सम्मेलनम् उपस्थास्यन्ति।
अस्य सम्मेलनस्य प्रमुख-लक्ष्यम् “सहकारी-संघवादस्य” भावनां सुदृढीकृत्य केन्द्रीय-राज्य-निर्वाचन-निकाययोः मध्ये उत्तम-समन्वयस्य स्थापना अस्ति। दिन-पर्यन्तं प्रवर्तमानस्य सम्मेलनस्य समये निर्वाचन-प्रक्रियायाः सुदृढीकरणेन सह प्रौद्योगिकी, ईवीएम, मतदाता-सूची-सहकारीकरणम् इत्यादिषु विषयेषु चर्चा भविष्यति। विशेषतः इलेक्ट्रॉनिक-मतदान-यन्त्राणां दृढता, पारदर्शिता, सुरक्षा-उपायाः च विषये विस्तृत-चर्चा क्रियते।
ईसीआई इत्यस्य नूतन-डिजिटल-मञ्चः “ईसीआईनेट्” इत्यस्य विषये वरिष्ठ-अधिकारीभिः प्रस्तुति दीयते, यः निर्वाचन-सेवानां डिजिटल-रूपेण सुव्यवस्थापनं करिष्यति।
---------------
हिन्दुस्थान समाचार