Enter your Email Address to subscribe to our newsletters
दंतेवाड़ा, 22 फ़रवरीमासः (हि.स.)।
मां दंतेश्वरी मंदिर इति जिलामुख्यालयस्थिते देवालये आयोजितः रियासत्कालीनः ऐतिहासिकः “फागुन मड़ई” उत्सवः २२ फरवरी दिनाङ्कात् ५ मार्च पर्यन्तं श्रद्धया आस्थया पारम्परिकरीतिभिः सह आरब्धः।
मन्दिरपरिसरे नगरे च द्वादशदिनपर्यन्तं चलमाने अस्मिन् धार्मिकमहोत्सवे प्रतिदिनं पृथक्-पृथक् पालकी-कार्यक्रमाः पारम्परिक-अनुष्ठानानि च सम्पद्यन्ते। अद्य रविवासरे पञ्चमी-तिथौ प्रातः ११ वादने कलशस्थापनं ताड़पलंगा-धोनी-परम्परायाः निर्वहणं कृत्वा प्रथम-पालक्याः सह उत्सवस्य शुभारम्भः अभवत्।
मन्दिरसमितेः सूचनानुसारं—
२३ फरवरी सोमवासरे षष्ठी-तिथौ द्वितीय-पालक्याः अन्तर्गतं रात्रौ ९ वादने खोरखुन्दनी-परम्परायाः निर्वहणं भविष्यति।
२४ फरवरी मङ्गलवासरे सप्तमी/अष्टमी-तिथौ तृतीय-पालक्यां रात्रौ १० वादने नाच-माण्डनी-परम्परा सम्पद्यते।
२५ फरवरी बुधवासरे नवमी-तिथौ चतुर्थ-पालक्याः अन्तर्गतं रात्रौ १ वादने लम्हामार-परम्परा निर्वह्यते।
२६ फरवरी गुरुवासरे दशमी-तिथौ पञ्चम-पालक्यां रात्रौ २ वादने कोडरीमार-परम्परा सम्पद्यते।
२७ फरवरी शुक्रवासरे एकादशी-तिथौ षष्ठ-पालक्यां रात्रौ ३ वादने चितलमार-परम्परा भविष्यति।
२८ फरवरी शनिवासरे द्वादशी-तिथौ सप्तम-पालक्यां रात्रौ ४ वादने गंवरमार-परम्परा निर्वह्यते।
१ मार्च रविवासरे त्रयोदशी-तिथौ अष्टम-पालक्यां रात्रौ १० वादने आंवरामार-गारी-परम्परयोः निर्वहणं भविष्यति।
२ मार्च सोमवासरे चतुर्दशी-तिथौ नवम-पालक्याः सह रात्रौ १० वादने होलिका-दहनं भविष्यति।
३ मार्च मङ्गलवासरे पूर्णिमा-तिथौ प्रातः १० वादने रंग-भंग-पादूका-पूजन-परम्परा सम्पन्ना भविष्यति।
४ मार्च बुधवासरे प्रतिपदा-तिथौ अपराह्णे २ वादने मेला-मड़ई आरभ्यते।
समापनं ५ मार्च गुरुवासरे द्वितीया-तिथौ प्रातः १० वादने आमन्त्रित-देवी-देवताभ्यः विदायेन सह भविष्यति।
अस्मिन् फागुन-मड़ई-महोत्सवे बहुसंख्यकाः श्रद्धालवः ग्रामीणाञ्चलात् आगताः देवी-देवताः च समागमिष्यन्ति, येन दंतेवाड़ा नगरं भक्तिमयवातावरणेन परिपूर्णं भविष्यति। मन्दिरसमित्या श्रद्धालुभ्यः आह्वानं कृतं यत् सर्वे अधिकसंख्यया उपस्थिताः भूत्वा आयोजनस्य सफलतां सुनिश्चेतयन्तु।
---------------
हिन्दुस्थान समाचार