Enter your Email Address to subscribe to our newsletters
काठमाण्डूनगरम्, २२ फरवरीमासः (हि.स.)। भारत–सर्वकारेण नेपालसशस्त्रप्रहरीबलम् (ए.पी.एफ.) इत्यस्मै अनुदानरूपेण टियर–वाति–सेल-इत्यादय: उपलब्धाः कृताः। अग्रिमे ५ मार्चदिने आयोज्यमानस्य प्रतिनिधि–सभासदस्य–निर्वाचनस्य सुरक्षाव्यवस्थां सुदृढीकर्तुं भारत–सर्वकारेण एषा सहायता प्रदत्ता।
सशस्त्र–प्रहरी–बलस्य डी.आई.जी. पुरुषोत्तम: थापा अवदत् यत् संसदीय–निर्वाचनकाले प्रयोगाय भारत–सर्वकारात् १० सहस्रं टियर–वाति–सेल-इत्येते प्राप्ताः सन्ति। एतेषां प्रयोगः निर्वाचनकाले सुरक्षाव्यवस्थाया: सुदृढीकरणार्थं करिष्यते। तदतिरिक्तं भारत–सर्वकारेण सहयोगरूपेण नेपाल–सर्वकाराय ५३८ वाहनान्यपि हस्तान्तरितानि सन्ति। गृह–मन्त्रालयस्य अधिकारिणां मतानुसारं अद्यावधि सर्वाणि ५३८ वाहनानि नेपालदेशं प्राप्तानि सन्ति। भारतदेशात् बोलेरो–जीप, स्कॉर्पियो–वाहनानि तथा स्कॉर्पियो–पिकअप–वाहनानि प्राप्तानि।
डी.आई.जी. थापा अवदत् यत् नेपालदेशं प्राप्तेषु वाहनेषु सर्वकारेण ९३ वाहनानि सशस्त्र–प्रहरी–बलाय प्रदत्तानि। गृह–मन्त्रालयस्य माध्यमेन एतानि वाहनानि ४४ जनपदेषु प्रेषितानि सन्ति, तथा अद्य अपि १० जनपदेषु नूतन–वाहनानां प्रेषणं कृतम्। एषः सहयोगः उभय–देशयोः सुरक्षा–प्रशासनिक–समन्वयस्य सुदृढीकरणाय महत्त्वपूर्णं मन्यते, विशेषतः निर्वाचनादृशेषु संवेदनशील–अवसरेषु कानून–व्यवस्थाया: संरक्षणार्थम्।
हिन्दुस्थान समाचार / अंशु गुप्ता