Enter your Email Address to subscribe to our newsletters
गुवाहाटी, 22 फरवरीमासः (हि.स.)। धीरेंद्र नाथ चक्रवर्ती, असम राज्यस्य समाचारजगतः वरिष्ठपत्रकारः, अद्य प्रातः ७.३५ वादने ९७ वर्षवयसा अन्तिमविश्रामं गतः। तस्य निधनसमाचारात् समग्रे राज्ये शोकतरङ्गः व्याप्तः। चक्रवर्ती असमस्य समाचारमाध्यमेषु अत्यन्तसम्माननीयः व्यक्तिः आसीत्। सः केवलं पत्रकारः एव न, अपितु दक्षः सम्पादकः प्रतिष्ठितलेखकश्च आसीत्। दीर्घकालं यावत् असमस्य बौद्धिकसमाजस्य नेतृत्वं कृतवान् चक्रवर्तिनः निधनात् समाचारजगतः अपूरणीयक्षतिः जाता।
तस्य पत्रकारिताजीवनम् अत्यन्तं प्रेरणादायकम् आसीत्। सः एशियादेशे सर्वाधिकवृद्धः सक्रियसम्पादकः इति मन्यते स्म। सूचना-जनसम्पर्कविभागस्य निदेशकपदात् सेवानिवृत्तोऽपि सः न विरमितवान्। १९९१ तमे वर्षे सरकारीसेवातः निवृत्तेः अनन्तरं सः ‘आजिर बातरी’ इति समाचारपत्रे सम्पादकरूपेण सम्मिलितः सन् स्वकर्मठजीवनं निरन्तरं प्रवर्तितवान्।
तदनन्तरं ‘दैनिक असम’, ‘दैनिक जनमभूमि’ इत्यादिषु कार्यं कृत्वा अन्तिमकाले ‘साप्ताहिक प्रागज्योतिष’ इति प्रतिष्ठितपत्रिकायाः सम्पादकरूपेण कार्यं कृत्वा असमीयसमाचारक्षेत्रे सुदृढं योगदानं दत्तवान्।
२०१९ तमे वर्षे असमसरकारेण पत्रकारिताक्षेत्रे तस्य असाधारणयोगदानाय प्रतिष्ठितेन गणतन्त्रदिवसपत्रकारितापुरस्कारेण सः सम्मानितः। केवलं समाचारसेवायां एव न, अपि तु विविधेषु सामाजिक-साहित्यिककार्येषु अपि सः गम्भीरतया सम्बद्धः आसीत्। असमवरिष्ठनागरिकसम्मेलनस्य पूर्वाध्यक्षरूपेण कार्यं कृतवान्, कामरूपमहानगरजिलासाहित्यसभायाः संस्थापकाध्यक्षस्य उत्तरदायित्वं च निर्वहितवान्।
तस्य आदर्शाः योगदानानि च आगामिषु दिनेषु असमस्य पत्रकाराणां कृते मार्गदर्शकरूपेण स्थास्यन्ति।---------------
हिन्दुस्थान समाचार