नवदिल्ली, २२ फरवरीमासः (हि.स.)। प्रधानमन्त्री नरेन्द्रमोदी अद्य उत्तरप्रदेशस्य मेरठनगरस्य प्रवासे स्थास्यति। सः मेरठनगरे प्रायः १२,९३० कोटि–रूप्यकाणां विकास–परियोजनानाम् उद्घाटनं लोकार्पणं च करिष्यति। अस्मिन् अवसरे भारतस्य प्रथमस्य नमो–भारत–क्षेत्रीय–द्रुत–परिवहन–प्रणाल्याः (आरआरटीएस) पूर्णतां प्राप्तस्य दिल्ली–मेरठ–परिसरस्य राष्ट्राय समर्पणं करिष्यति। तेन सह मेरठ–मेट्रो–सेवायाः अपि शुभारम्भः भविष्यति। एतद् कार्यक्रमस्य पूर्वसन्ध्यायां प्रधानमन्त्री–कार्यालयेन सूचितम्। भारतीय–जनता–पक्षेण (भाजपा) अपि ‘एक्स’ हस्तके कार्यक्रमस्य सूचना सहभागी कृता।

प्रधानमन्त्री–कार्यालयस्य सूचनानुसारं प्रधानमन्त्री अपराह्णे प्रायः १२:३० वादने शताब्दी–नगर–नमो–भारत–स्थाने मेरठ–मेट्रो–सेवां नमो–भारत–रेलयानं च हरित–ध्वजं दर्शयित्वा प्रस्थानं करिष्यति। ततः सः मेरठ–साउथ–स्थानम् यावत् मेट्रो–यात्रां करिष्यति। अपराह्णे प्रायः १ वादने सः विविध–विकास–परियोजनानाम् उद्घाटनं शिलान्यासं च कृत्वा जनसभां सम्बोधयिष्यति।

उक्तं यत् प्रधानमन्त्री ८२ किलोमीटर–दीर्घं सम्पूर्णं दिल्ली–मेरठ–नमो–भारत–परिसरम् राष्ट्राय समर्पयिष्यति। अस्य अन्तर्गतं भारतस्य प्रथमायाः नमो–भारत–आरआरटीएस–प्रणाल्याः शेष–खण्डानाम् उद्घाटनं भविष्यति—येषु दिल्लीप्रदेशे सराय–काले–खां–स्थानतः न्यू–अशोक–नगरं यावत् ५ किलोमीटर तथा उत्तरप्रदेशे मेरठ–साउथ–स्थानतः मोदीपुरम् यावत् २१ किलोमीटर खण्डः अन्तर्भवति। १८० किलोमीटर–प्रतिहोरा इति रूपरेखित–वेगेन युक्ता नमो–भारत–प्रणाली देशस्य प्रथमां क्षेत्रीयां द्रुत–परिवहन–व्यवस्थां प्रतिनिधित्वं करोति।

एषा व्यवस्था साहिबाबादम्, गाजियाबादम्, मोदीनगरम्, मेरठम् इत्यादीन् प्रमुखान् नगर–केन्द्राणि दिल्लीनगरेण सह शीघ्र–संपर्केण योजयिष्यति। सराय–काले–खां–स्थानम् एकं प्रमुखं बहु–म्रोटन–केन्द्रम् इव विकसितम् अस्ति, यत् हजरत–निजामुद्दीन–रेलवे–स्थानम्, दिल्ली–मेट्रो–पिंक–रेखा, वीर–हकीकत–राय–आईएसबीटी तथा रिङ्ग–मार्गेण सह सम्बद्धम् अस्ति। अतिरिक्ततया मेरठस्य शताब्दी–नगरम्, बेगमपुलम् तथा मोदीपुरम् स्थानानि अपि अस्मिन्नेव अवसरे प्रारब्धयानि सन्ति।

प्रधानमन्त्री नरेन्द्रमोदी मेरठ–साउथ–स्थानतः मोदीपुरम् पर्यन्तं मेरठ–मेट्रो–सेवायाः अपि उद्घाटनं करिष्यति, या प्रथमवारं नमो–भारत–प्रणाल्या सह एकस्मिन् एव आधारभूतायां संरचनायां संचालिता भविष्यति। प्रायः १२० किलोमीटर–प्रतिहोरा अधिकतम–संचालन–वेगेन मेरठ–मेट्रो देशस्य अत्यन्तं द्रुता मेट्रो–प्रणाली भविष्यति, तथा नियत–विराम–स्थानेषु सहितं सम्पूर्णं मार्गं प्रायः ३० निमेषेषु पूर्णं करिष्यति। नमो–भारत तथा मेरठ–मेट्रो इत्यनयोः एकीकृतं संचालनं देशे नगर–क्षेत्रीय–परिवहने नूतनान् मानकान् स्थापयिष्यति; अनेन मार्ग–यातायाते न्यूनता, कार्बन–डाइ–ऑक्साइड–उत्सर्जने च उल्लेखनीया न्यूनता भविष्यति।

हिन्दुस्थान समाचार / अंशु गुप्ता