Enter your Email Address to subscribe to our newsletters
खैरथल-तिजारा, 22 फ़रवरीमासः (हि.स.)।
भूपेंद्रयादवः केन्द्रीयपर्यावरणवनजलवायुपरिवर्तनमन्त्री बावडीमार्गस्थितस्य सागरजलाशयस्य जीर्णोद्धारकार्यस्य शिलान्यासं कृत्वा अवदत् यत् जलसंरक्षणम् अद्यतनकाले परमावश्यकम् अस्ति तथा जलरक्षणमेव धरित्रीमातुः सच्ची सेवा अस्ति। पूर्वं कस्यचित् क्रिकेटस्पर्धाकालस्य अस्मिन् क्षेत्रे आगत्य तेन अत्र प्राकृतिकपर्यावरणस्य सम्भावनानां च अवलोकनं कृत्वा जलसंचयनक्षमतावृद्धेः आवश्यकता प्रतिपादिता आसीत्, यस्य फलस्वरूपम् अद्य अस्याः महत्त्वपूर्णायाः योजनायाः आरम्भः जातः।
सः अवदत् यत् सागरजलाशयस्य जीर्णोद्धारेण वर्षाजलस्य स्थायीसंग्रहणं सम्भविष्यति, येन क्षेत्रस्य भूजलस्तरः वर्धिष्यते तथा मुण्डावरसहित समीपवर्तीक्षेत्रेषु जलसंकटात् रक्षणं भविष्यति। सः स्थानीयनागरिकान् आहूतवान् यत् अस्य योजनायाः संरक्षणाय सुचारुसञ्चालनाय च समितेः गठनं कुर्वन्तु, जलाशयपरिसरे हरितिम् वर्धयन्तु, मार्गतीरेषु वृक्षारोपणं कुर्वन्तु, एतत् क्षेत्रं आदर्शहरितक्षेत्ररूपेण विकसितुं सक्रियभूमिकां निर्वहन्तु।
केन्द्रीय मन्त्री अरावली रेंज इत्यस्याः पर्वतमालायाः संरक्षणे विशेषं बलं दत्त्वा अवदत् यत् अवैधखनननिरोधः अत्यावश्यकः अस्ति, एषा एव धरित्रीमातुः महती सेवा। तेन वनविभागाधिकारिभ्यः निर्देशाः दत्ताः यत् क्षेत्रे स्थानीयप्रजातीनां पौधारोपणं बहुधा क्रियताम्, कतिपयानि क्षेत्राणि संरक्षितानि स्युः यत्र प्राकृतिकरीत्या हरितक्षेत्रविकासः भवेत्, येन पर्यावरणसन्तुलनं तिष्ठेत् पशूनां कृते प्राकृतिकसंसाधनानि अपि उपलब्धानि स्युः।
यादवः अवदत् यत् जलस्य निर्माणं न सम्भवति, केवलं तस्य संरक्षणं पुनरुपयोगश्च साध्यौ। देशे मधुरजलस्य उपलब्धिः सीमिता अस्ति, अतः जलसंरक्षणपुनरुपयोगयोः दिशि दृढप्रयत्नाः अपेक्षिताः। तेन भिवाडीक्षेत्रे प्रगतिशीलस्य 34 एमएलडी क्षमतायुक्तस्य जलशोधनसंग्रहणपरियोजनायाः उल्लेखः कृतः, यत्र शोधितजलस्य उद्योगेषु उपयोगः कर्तुं शक्यते, येन मधुरजलस्य संरक्षणं संसाधनप्रबन्धनस्य च सुदृढीकरणं भविष्यति।
सागरजलाशयस्य जीर्णोद्धारः पर्यावरणसंरक्षणस्य जलसंरक्षणस्य च दिशि एकः महत्त्वपूर्णः उपक्रमः अस्ति, यः आदर्शमॉडेलरूपेण प्रतिष्ठितुं शक्नोति।
अस्मिन् अवसरे पूर्वविधायकः रामहेतयादवः, डेयरीचेयरमैन नितिनसांगवानः, बन्नाराममीणा, मोहितयादवः, इन्द्रयादवः, अञ्जलीयादवः इत्यादयः वरिष्ठजनप्रतिनिधयः प्रबुद्धजनाश्च उपस्थिताः आसन्।
---------------
हिन्दुस्थान समाचार