Enter your Email Address to subscribe to our newsletters
भुवनेश्वरम्, 22 फ़रवरीमासः (हि.स.)।
शैलाबाला-महिला-स्वायत्त-महाविद्यालयस्य विश्वविद्यालय-दर्जा-विषये विचार-विमर्शः।
शैलाबाला-महिला-स्वायत्त-महाविद्यालयाय विश्वविद्यालय-दर्जा-प्रदानस्य मागां प्रति प्रवर्तमाने वाद-विवादे उच्च-शिक्षा-मन्त्री सूर्यवंशी-सूरजः उक्तवान् यत् राज्य-सर्वकारेण एषा मागा उपेक्षिता नास्ति, अपि तु अस्यां विषये गम्भीरतया विचारः क्रियते।
मन्त्रिणा स्पष्टतया उक्तं यत् कस्यापि निर्णयस्य पूर्वं संस्थायाः आधारभूत-संरचनायाः विकासः प्राथमिकतया क्रियते, ततोऽनन्तरं शैक्षणिक-वातावरणस्य सुदृढीकरणं भविष्यति। सः आश्वासनं दत्तवान् यत् सरकारः उचित-समये अस्मिन् विषयि समुचितं निर्णयं करिष्यति।
शनिवासरे छात्रैः स्व-मागां प्रति दिवसभरं धरना-प्रदर्शनं कृतम्। बाराबती-कटक-क्षेत्रस्य विधायकः सोफिया-फिरदौस तथा भाजपा-नेता श्रीतम-दास धरना-स्थलं प्राप्य छात्रैः सह संवादं कृतवन्तौ। चर्चा-सहमतिः अनन्तरं रात्रौ छात्रैः धरना-कार्यक्रमः समाप्तः।
पूर्वं छात्रैः मार्गेषु अवतीर्य तीव्र-प्रदर्शनं कृत्वा प्रश्नः उत्थापितः यत् त्रयोदशाधिक-शत-वर्ष-प्राचीनाय अस्य संस्थायै अद्यापि विश्वविद्यालयस्तरः किमर्थं न प्रदत्तः। छात्राः अष्टाविंशति-दिनानि यावत् निरन्तरं धरना-प्रदर्शनं कुर्वन्तः आसन्।
मन्त्री सूर्यवंशी-सूरजः अवदत् यद् “वयं एतां याचनां न निराकुर्मः। प्रशासनस्य वरिष्ठ-अधिकारीभिः छात्रैः सह संवादः कृतः, अग्रेऽपि चर्चा भविष्यति। ततोऽनन्तरं सरकारः यथोचितं निर्णयं करिष्यति। यदि वस्तुतः शैलाबालायाः विकासः कर्तव्यः, तर्हि द्वितीय-परिसरस्य विकासः, भूमेः आवंटनं, आवश्यक-कर्मचारिणां व्यवस्था च सुनिश्चितव्या। कस्यचित् संस्थानस्य विश्वविद्यालयत्वे उन्नयनाय प्रायः पञ्चाशत्-कोटि-रूप्यकात् सप्तति-कोटि-रूप्यक-पर्यन्तं व्ययः भवति, नवीन-विश्वविद्यालय-स्थापनाय तु प्रायः त्रिशत-कोटि-रूप्यकात् त्रिशत-पञ्चाशत्-कोटि-रूप्यक-पर्यन्तं व्ययः, नियमित-व्ययश्च अपेक्षितः। अतः विश्वविद्यालय-दर्जा-प्रदानात् पूर्वं आधारभूत-संरचनायाः विकासः अनिवार्यः।”
---------------
हिन्दुस्थान समाचार