देहरादूननगरम्, २२ फरवरीमासः (हि.स.)। राष्ट्रीयस्वयंसेवकसंघस्य सरसंघचालकः डॉ.मोहनरावभागवत: द्विदिवसीय–प्रवासस्य अन्तर्गतं रविवासरे देहरादूननगरे आयोज्यमानायां ‘प्रमुख–जन–गोष्ठ्यां’ संवादं करिष्यति। अस्यां गोष्ठ्यां समाजस्य विविधेषु क्षेत्रेषु सक्रियाः तथा नेतृत्व–भूमिकां निर्वहन्तः व्यक्तयः आमन्त्रिताः सन्ति।

संघस्य शताब्दी–वर्षस्य उपलक्ष्ये देशव्यापिन्या: कार्यक्रम–शृङ्खलाया: अन्तर्गतं उत्तराखण्डस्य राजधानी–नगरे एषा गोष्ठी आयोज्यते। निर्धारित–कार्यक्रमानुसारं अद्य अपराह्णे २ वादनात् आरभ्य सायं ६ वादनपर्यन्तं हिमालयनसांस्कृतिककेंद्रस्य सभागारे आयोजनं भविष्यति। सरसंघचालकः मुख्य–वक्तारूपेण देशस्य वर्तमान–परिस्थितयः, सामाजिक–समरसता, राष्ट्र–निर्माणं तथा संघटनस्य भूमिका इत्यादिषु विषयेषु स्वविचारान् प्रस्तोष्यति।

संघस्य प्रान्त–कार्यवाहः दिनेश–सेमवालः अवदत् यत् शताब्दी–वर्षे देशव्यापिनः शिक्षाविदैः, पूर्व–सैनिकैः, उद्योग–जगतः प्रतिनिधिभिः, सामाजिक–कार्यकर्तृभिः तथा प्रबुद्ध–नागरिकैः सह संवाद–कार्यक्रमाः आयोज्यन्ते। देहरादूननगरस्य एषा गोष्ठी तस्यैव राष्ट्रीय–अभियानस्य अङ्गं वर्तते, यस्य उद्देश्यं समाज–जीवनस्य विविधेषु आयामेषु समन्वयं संवादं च सुदृढीकर्तुम् इति।

सरसंघचालकः रविवासरस्य रात्रौ तिलक–रोड–स्थितं प्रान्त–कार्यालयम् आगतवान्। २३ फरवरीमासे प्रातः सः तिलक–मार्ग–स्थितायां शाखायां स्वयंसेवकैः सह परिचयं करिष्यति। ततः महानगर–कार्यकारिणी–सभायां संघटनात्मक–क्रियाकलापान्, विस्तार–योजनाः तथा अग्रिम–कार्यक्रमान् विषयीकृत्य चर्चा भविष्यति। तस्मिन्नेव दिने उत्तराखण्ड–प्रान्तस्य सेवानिवृत्त–सैनिकैः सह विशेष–संवाद–कार्यक्रमः अपि प्रस्तावितः। निर्धारित–कार्यक्रमानन्तरं २३ फरवरीमासस्य सायं सः देहरादूननगरात् प्रस्थानं करिष्यति।

हिन्दुस्थान समाचार / अंशु गुप्ता