Enter your Email Address to subscribe to our newsletters
नव दिल्ली, 23 फ़रवरीमासः (हि.स.)।प्रधानमन्त्री नरेन्द्र मोदी महोदयेन पश्चिम बंगाल राज्यस्य जनानां नाम एकं मुक्तपत्रं प्रकाशितं, राज्यस्य समग्रविकासस्य संकल्पः पुनः प्रतिपादितः। पत्रे सः राज्यस्य वर्तमानपरिस्थितिषु चिन्तां व्यक्तीकृत्य अवदत् यत् आगामिषु मासेषु पश्चिमबङ्गालस्य भविष्यं निर्णीयते, एषः निर्णयः च अत्रत्यजनानां सुविचारितनिर्णयपरः भविष्यति।
प्रधानमन्त्री स्वपत्रस्य आरम्भे “जय मां काली” इति संबोधनपूर्वकं पश्चिमबङ्गालस्य नागरिकान् सम्बोधितवान्। सः अवदत् यत् राज्यस्य प्रत्येकः युवकः, वृद्धः, महिला च उत्तमभविष्यस्य अपेक्षां कुर्वन्ति, तेषां पीडा तमपि व्यथयति। एतस्याः भावनायाः प्रेरणया सः पश्चिमबङ्गालं विकसितं समृद्धं च कर्तुं संकल्पं कृतवान्।
प्रधानमन्त्री केन्द्रसरकारस्य विविधजनकल्याणकारीयोजनानां उल्लेखं कृत्वा उक्तवान् यत् गतवर्षेषु दरिद्राणां, कृषकाणां, युवानां, महिलानां च सशक्तीकरणाय सर्वोच्चप्राथमिकता प्रदत्ता। राज्यसरकारस्य असहयोगस्य विरोधस्य च अपि सति पश्चिमबङ्गाले पञ्चकोटिजनाः जनधनयोजनया बैंकव्यवस्थया संयोजिताः सन्ति। स्वच्छ भारत अभियान अन्तर्गतं पञ्चाशीतिलक्षशौचालयनिर्माणं कृतम्। लघुव्यापारिणां उद्यमिनां च कृते २.८२ लक्षकोटिरूप्यकाणां ऋणं प्रदत्तम्। प्रधानमंत्री उज्ज्वला योजना द्वारा एककोट्यधिकपरिवाराणां कृते पाकगैससुविधा प्रदत्ता, येन मातृभगिनीभ्यः धूमदुःखात् मुक्तिः लब्धा।
प्रधानमन्त्री उक्तवान् यत् अटल पेंशन योजना अन्तर्गतं षट्पञ्चाशल्लक्षजनाः पंजीकृताः, तथा प्रधानमंत्री आवास योजना अन्तर्गतं बहुभ्यः परिवारभ्यः पक्कगृहाणि प्राप्तानि। अपि च प्रधानमंत्री किसान सम्मान निधि माध्यमेन द्विपञ्चाशल्लक्षकृषकाः प्रत्यक्षं आर्थिकसहाय्यं प्राप्नुवन्ति, येन तेषां जीवने सकारात्मकपरिवर्तनम् आगतम्।
पत्रे मोदी महोदयेन पश्चिमबङ्गालस्य ऐतिहासिकसांस्कृतिकगौरवस्य उल्लेखः कृतः। सः अवदत् यत् स्वातन्त्र्यआन्दोलने अस्य राज्यस्य महत्त्वपूर्णा भूमिका आसीत्, तथा देशस्य अर्थव्यवस्थायाः दिशानिर्धारणे अग्रणीप्रदेशरूपेण प्रतिष्ठितम्। किन्तु गतदशकेषु कुशासनस्य तुष्टीकरणराजनीतेः च कारणेन राज्यं हानिम् अनुभूतवान्। सः आरोपितवान् यत् रोजगाराभावेन युवानः अन्यराज्येषु पलायनं कुर्वन्ति, महिलासुरक्षायाः विषये अपि चिन्ता वर्तते।
प्रधानमन्त्री बङ्गालस्य महान् विभूतीनां स्मरणं कृत्वा अवदत् यत् स्वामी विवेकानंद तथा रवीन्द्रनाथ ठाकुर ययोः कल्पितं बङ्गालं, अद्य सङ्कीर्णराजनीतेः हिंसाया च प्रभावे दृश्यते। राज्यस्य पवित्रभूमिः अवैधघुस्पैठेन हिंसात्मकघटनाभिः च प्रभावितास्ति, येन समग्रदेशे चिन्तावातावरणं जातम्।
सः अवदत् यत् अधुना परिवर्तनम् अनिवार्यम्। अन्यराज्यानां सदृशं पश्चिमबङ्गाले अपि विकासः, रोजगारसृजनम्, उत्तमस्वास्थ्यसुविधाः, महिलासुरक्षा च सुनिश्चितव्या। आयुष्मान भारत योजनया स्वास्थ्यसुरक्षा सामाजिकसुरक्षा च सुदृढीक्रियते इति सः अभ्यधात्।
प्रधानमन्त्री पश्चिमबङ्गालस्य जनान् आह्वानं कृतवान् यत् ते विकासयात्रायां सहभागिनः भूत्वा राज्याय नूतनदिशां ददतु। भयमुक्तपर्यावरणं, भ्रष्टाचारमुक्तिः, नवरोजगारावसराः च सुनिश्चितुं अवसरः उपस्थितः अस्ति। पत्रस्य अन्ते सः २०२६ वर्षे “विकसित पश्चिमबङ्गाल” निर्माणाय आह्वानं कृत्वा अवदत् यत् राज्यस्य उज्ज्वलभविष्याय सामूहिकप्रयत्नाः अनिवार्याः। जनसमर्थनेन पश्चिमबङ्गालं पुनः देशस्य अग्रणीराज्येषु स्वपरिचयं प्रतिष्ठापयिष्यति इति विश्वासं व्यक्तवान्।
-----------
हिन्दुस्थान समाचार