Enter your Email Address to subscribe to our newsletters
-ग्रीन इन्वेस्टमेंट इत्येतत् समाधृत्य मुख्यमंत्री योगी सिंगापुरस्य जीएससीसंस्थया सहाकरोत् उपवेशनम्
लखनऊ, 23 फरवरीमासः (हि.स.)। उत्तर प्रदेश राज्यस्य मुख्यमन्त्री योगी आदित्यनाथः स्वस्य सिंगापुर दौरे प्रथमदिने एव सोमवासरे बहवः सफलताः अभिलेखितवान्। मुख्यमन्त्रिणा सह आयोजितायां गोष्ठ्यां (जीएससी ग्रीन्स) इत्यस्य निदेशकः सुमित नन्दा महोदयः उत्तरप्रदेशे १०० मेगावाट् क्षमतायुक्तस्य डाटा-केन्द्रस्य स्थापनार्थं अष्टसहस्रकोटिरूप्यकनिवेशस्य घोषणां कृतवान्। बैठके राज्ये हरित-सतत-निवेशानां सम्भावनासु विस्तीर्णा चर्चा अभवत्, स्वच्छऊर्जाधारितपरियोजनासु सहकारस्य विविधाः आयामाः अपि विचारिताः।
राज्यसरकारस्य प्रवक्ता अवदत् यत् भविष्यावश्यकतान् दृष्ट्वा रूफटॉप्-सौर-परियोजनाः, बैटरी-संग्रहण-तथा-ग्रिड्-सहायतासमाधानानि, विद्युत्-वाहन-आरोपण-संरचना, स्वच्छऊर्जया सञ्चालिताः हरित-औद्योगिक-उद्यानानां विकासः इत्यादिषु विषयेषु विस्तरेण विचारविमर्शः कृतः। पर्यावरणसम्बद्धावश्यकतासु जलवायु-वित्तपोषणम्, कार्बन-उत्सर्जन-न्यूनता, नवीकरणीय-ऊर्जा-सञ्चालनसम्बद्ध-कौशलविकास-कार्यक्रमाः इत्यादयः अपि चर्चिताः। एतेषां उपक्रमाणां माध्यमेन रोजगारसृजनसम्भावनासु विशेषबलं दत्तम्।
मुख्यमन्त्री योगी आदित्यनाथः अवदत् यत् उत्तरप्रदेशसर्वकारः पर्यावरणानुकूलं व्यावसायिकदृष्ट्या व्यवहार्यं च विकासमाडेलं प्रति प्रतिबद्धा अस्ति। राज्ये निवेशानुकूलनीतयः, सुदृढः औद्योगिकपरिसंस्था, शीघ्रनिर्णयप्रक्रिया च हरितऊर्जाक्षेत्रे निवेशकानां कृते आदर्शपर्यावरणं निर्मितः। तेन जीएससी ग्रीन्स इत्येतत् संस्थानं परियोजनाविकासस्य अन्येषां निवेशावसराणां च सक्रियतया अन्वेषणाय आमन्त्रितम्।
अस्यां गोष्ठ्यां मुख्यमन्त्रिणा सह जीएससी ग्रीन्स इत्यस्य निदेशकः सुमित नन्दा तस्य दलं च, तथा राज्यसर्वकारस्य वित्तमन्त्री सुरेश खन्ना एवं औद्योगिकविकासमन्त्री नन्द गोपाल गुप्ता नंदी अपि उपस्थिताः आसन्।
हिन्दुस्थान समाचार