Enter your Email Address to subscribe to our newsletters
उज्जैनम्, 23 फरवरीमासः (हि.स.)।
मध्यप्रदेशस्य उज्जयिनीस्थितसम्राट् विक्रमादित्यविश्वविद्यालयस्य हिन्दीअध्ययनशालया पीएम उषा योजनायाः अन्तर्गतं अद्य सोमवासरात् आरभ्य घुमन्तु तथा विमुक्तसमुदायानां परम्परा साहित्यसंस्कृति तथा भक्तिकाव्यस्य विविधायामान् केन्द्रिता द्विदिवसीया राष्ट्रियसंगोष्ठी आयोज्यते। एमपी कॉन भोपालस्य सहयोगेन आयोजितायां अस्यां संगोष्ठ्यां देशस्य अनेकप्रदेशेभ्यः विशेषज्ञाः शोधकर्तारः च सहभागित्वं करिष्यन्ति।
विश्वविद्यालयस्य कुलानुशासकः तथा हिन्दीविभागाध्यक्षः प्रोफेसर शैलेन्द्रकुमारशर्मा मुख्यसमन्वयकः प्रो जगदीशचन्द्रशर्मा च अवदताम् यत् एषः बौद्धिकसमागमः विश्वविद्यालयस्य वाग्देवीभवनस्थिते राष्ट्रभाषासभागारे प्रतिदिनं प्रातः १० ३० वादनात् सायं ५ ०० वादनपर्यन्तं भविष्यति। द्विदिनपर्यन्तं चलमानायां अस्यां संगोष्ठ्यां विभिन्नेषु महत्त्वपूर्णविषयेषु गम्भीरविमर्शः भविष्यति।
ते अवदताम् यत् प्रथमदिने विमुक्तघुमन्तुसमुदायानां परम्परासु लोकसाहित्यसंस्कृतेः विविधायामाः इति विषये विशेषसत्रं भविष्यति। द्वितीयदिने २४ फरवरी तिथौ भक्तिकालीनसाहित्यस्य विविधधाराणां वैशिष्ट्यं युगीयप्रासङ्गिकता च इति विषये चिन्तनमननं भविष्यति। विश्वविद्यालयप्रशासनेन सर्वेभ्यः प्रबुद्धजनानां साहित्यकाराणां छात्राणां च एतेषु ज्ञानसत्रेषु सहभागितायै अनुरोधः कृतः।
---------------
हिन्दुस्थान समाचार