Enter your Email Address to subscribe to our newsletters
भीलवाड़ा, 23 फरवरीमासः (हि.स.)। भीलवाडानगरे स्थितस्य हरिशेवा उदासीन आश्रम सनातनमन्दिरस्य तत्त्वावधाने प्रवर्तमाने अष्टदिनात्मक सनातनमङ्गलमहोत्सवे दीक्षादानसमारोहस्य च पञ्चमे दिने सोमवासरे स्वामी राजेन्द्रदास देवाचार्य श्रीरैवासा वृन्दावनधाम इत्यस्य दिव्यसान्निध्यं प्राप्तम्। तेन व्यासपीठे विराजमानस्य कथाव्यासस्य डॉ श्यामसुन्दर पाराशर इत्यस्य अभिनन्दनं कृत्वा श्रीमद्भागवत महापुराणकथायाः श्रवणं कृतम्।
कथायाः प्रसङ्गे श्रीकृष्णस्य बाललीलाः गोवर्धनपूजावृत्तान्तः च भावपूर्णतया वर्णितः छप्पनभोगस्य आकर्षकझांकी अपि सज्जीकृता। आश्रमागमने महामण्डलेश्वरः स्वामी हंसराम उदासीन महाराज महन्त स्वरूपदास महन्त हनुमानराम उदासीन अन्ये च सन्तमहात्मानः विविधसेवासमितीनां पदाधिकारीणः च तस्य स्वागतं कृतवन्तः।
स्वामी राजेन्द्रदास देवाचार्य महाराज उक्तवान् यत् भगवतः नाम रूप लीला धाम च सर्वं सच्चिदानन्दस्वरूपम् अस्ति। कथाश्रवणेन अपि तदेव आध्यात्मिकफलं प्राप्यते यत् प्रभोः चरणयोः समर्पणेन लभ्यते। भीलवाडावासिनां कृते एषः महान् सौभाग्यकालः अस्ति यत् एतादृशी दिव्यकथा श्रवणार्थं उपलब्धा अस्ति इति अपि तेन उक्तम्।
महामण्डलेश्वरः स्वामी हंसराम उदासीन महाराज आयोजनस्य पृष्ठभूमिं धार्मिकअनुष्ठानानां विवरणं च प्रदाय उक्तवान् यत् अयं महोत्सवः आध्यात्मिकजागरणस्य महत्त्वपूर्णः अवसरः अस्ति। दीक्षां ग्राहयितुं सज्जानां इन्द्रदेव सिद्धार्थ कुनाल इत्येषां परिचयः अपि प्रदत्तः तेषां आशीर्वादः च कृतः।
मङ्गलवासरे उदासीन कार्ष्णि पीठाधीश्वरः महामण्डलेश्वरः स्वामी गुरुशरणानन्द महाराज रमणरेती गोकुलवन मथुरा इत्यस्य सान्निध्यं भविष्यति। मंचे पठानकोटनगरात् आगतः महामण्डलेश्वरः स्वामी शरणानन्द महाराज पञ्चमुखी दरबार भीलवाडायाः महन्त लक्ष्मणदास त्यागी च उपस्थितौ आस्ताम्।
कथाव्यासः डॉ श्यामसुन्दर पाराशर उक्तवान् यत् भगवतः कृपाप्राप्तये पुरुषार्थः आवश्यकः। स गौसेवा गौरक्षा च इति सन्देशं दत्त्वा दैनिकजीवने धार्मिकसंस्कारपालनस्य महत्त्वं प्रतिपादितवान्।
पञ्चमे दिने आरत्यां सन्तमहात्मनां सह उद्योगपतिः रामपाल सोनी इत्यादयः विविधसमाजसंस्थानां प्रतिनिधयः च सहभागी अभवन्। कथा पञ्चविंशतितमे फेब्रुवरी मासस्य दिने यावत् प्रतिदिनं मध्याह्ने एकवादनात् चतुर्वादनपर्यन्तं पठ्यते। षष्ठे दिने महारासः रुक्मिणीविवाहप्रसङ्गः च वर्णितः भविष्यति।
महोत्सवस्य अन्तर्गतं वृन्दावनात् आगताः षोडश कलाकाराः अखण्डहरिनामसङ्कीर्तनं कुर्वन्ति। त्रिघण्टिकापर्यायेण सङ्कीर्तनं निरन्तरं प्रवर्तते। प्रतिदिनं पञ्चकुण्डीय श्रीविष्णुमहायज्ञः शतचण्डीपाठः अखण्ड श्रीमद्भगवद्गीतापाठः श्रीरामचरितमानसपाठः अन्ये च धार्मिकअनुष्ठानाः सम्पन्नाः भवन्ति। सायंकाले रासलीला गङ्गाआरती च अपि बहुसंख्यकश्रद्धालुभिः सह आचर्येते।
सनातनमङ्गलमहोत्सवस्य अन्तर्गतं पञ्चविंशतितमे फेब्रुवरी मासे प्रातः सन्तदर्शनं सनातनशोभायात्रा च आयोजिते भविष्यतः। एषा शोभायात्रा अयोध्यानगर हुतात्मचतुशपथः दूधाधारीमन्दिरात् प्रारभ्य नगरपरिक्रमां कृत्वा आश्रमं प्राप्स्यति। अस्याम् दीक्षार्थिनः सन्तमहापुरुषाः विविधमण्डलयः च सहभागिनः भविष्यन्ति। आयोजकानां मतानुसारं सहस्रशः श्रद्धालवः सहभागित्वेन सनातनएकतायाः सन्देशं प्रदास्यन्ति।
---------------
हिन्दुस्थान समाचार