Enter your Email Address to subscribe to our newsletters
-संस्थागतक्षमतया, नीतिगतया आधारशीलया, डिजिटलपरिवर्तनेन च सह सम्मिल्य करिष्यते कार्यम्
सिंगापुरम्/लखनऊ, 24 फरवरीमासः (हि.स.)। मुख्यमन्त्री योगीआदित्यनाथस्य सिंगापुरदेशदौरे द्वितीयदिने उत्तरप्रदेशसरकारस्य निवेशप्रोत्साहनसंस्था ‘इन्वेस्ट यूपी’ तथा सिंगापुरसरकारस्य हितप्रतिनिधिसंस्था ‘सिंगापुर कोऑपरेशन एंटरप्राइज’ (एससीई) इत्येतयोः मध्ये महत्त्वपूर्णं समझौतापत्रम् (एमओयू) हस्ताक्षरितम्।
एषः सम्झौत: उत्तरप्रदेशे संस्थागतक्षमतायाः नीतिगतढाञ्चस्य च सुदृढीकरणाय, तथैव पारिस्थितिकतन्त्रस्य विकासार्थं दीर्घकालिकरणनीतिकसाझेदारीस्थापनाय महत्त्वपूर्णः चरणः मन्यते।
सततविकास औद्योगिकप्रतिस्पर्धा च
एमओयू अन्तर्गतं उभौ पक्षौ विषयगतज्ञानस्य आदानप्रदानं, तकनीकीसहयोगं, परामर्शसेवानां प्रदानेन च उत्तरप्रदेशे सततआर्थिकविकासं, औद्योगिकप्रतिस्पर्धात्मकतां, डिजिटलपरिवर्तनं, आधुनिकअवसंरचनाविकासं च प्रवर्धयितुं संयुक्तरूपेण कार्यं करिष्यतः।
सहयोगस्य प्रमुखक्षेत्राणि
सम्झौतानुसारं उभौ पक्षौ अध्ययनयात्राः नेतृत्वप्रतिनिधिमण्डलानां विनिमयं च आयोजितुं संकल्पितवन्तौ। प्रशिक्षणकार्यक्रमाणां क्षमता-विकासयोजनानां च रूपरेखा निर्माय तस्याः क्रियान्वयनम् अपि करिष्यतः। एतेन जनानां कार्यकुशलता कौशलं च उन्नीयेताम्।
तदतिरिक्तं परामर्शमार्गदर्शनप्रदानम्, संयुक्तरूपेण तकनीकीसहयोगपरियोजनानां निर्माणं कार्यान्वयनं च, सार्वजनिकनिजीक्षेत्रयोः सम्बद्धव्यक्तीनां संस्थानां च सहयोगसंग्रहणम् अपि अस्य एमओयू अन्तर्गतं समाविष्टम् अस्ति।
आवश्यकतानुसारं विशिष्टपरियोजनानां कृते पृथक् लिखितसम्झौताः अपि क्रियन्ते, येषु कार्यक्षेत्रं समयसीमा वित्तीयप्रावधानानि च स्पष्टतया निर्दिश्यन्ते। द्विमासाभ्यन्तरे विस्तृतपरियोजनासम्झौतविषये वार्ता आरभ्यते, षण्मासाभ्यन्तरे तेषां अंतिमरूपदाने प्रयासः भविष्यति।
वैश्विकानुभवस्य लाभः
अस्याः साझेदारीयाः फलस्वरूपं उत्तरप्रदेशः सिंगापुरदेशस्य प्रशासनिकानुभवस्य, नगरीययोजनायाः, औद्योगिकसमूहविकासस्य, लॉजिस्टिक्सव्यवस्थायाः, डिजिटलशासनपद्धतेः च अनुभवस्य लाभं प्राप्स्यति।
एतत् समझौतं उत्तरप्रदेशस्य वैश्विकसहभागितायाः दीर्घकालिकदृष्टेः च दिशि महत्त्वपूर्णसफलता इति परिगण्यते।
---------------
हिन्दुस्थान समाचार / अंशु गुप्ता