रायपुरनगरम्, २५ फरवरीमासः (हि.स.)। उपमुख्यमन्त्री अरुणसाव: लोक–स्वास्थ्य–यांत्रिकी–विभागे केमिस्ट–पदे चयनितेभ्यः युवभ्यः नियुक्ति–पत्राणि प्रदत्तवान्। बुधवासरे नव–रायपुरे छत्तीसगढ-विधानसभा–परिसरे स्थिते स्वकार्यालये आयोजिते कार्यक्रमे सः दश-चयनितेभ्यः नियुक्ति–पत्राणि समर्पितवान्। अस्मिन् अवसरे लोक–स्वास्थ्य–यांत्रिकी–विभागस्य सचिवः मोहम्मद–कैसर–अब्दुलहकः तथा प्रमुख–अभियन्ता ओंकेश–चन्द्रवंशी च उपस्थितौ आस्ताम्।उपमुख्यमन्त्री तथा लोक–स्वास्थ्य–यांत्रिकी–मन्त्री अरुण–सावः नवनियुक्तान् केमिस्ट-जनान् सम्बोधयन् अवदत् यत् केमिस्ट-जनानां संख्यावृद्ध्या विभागीय–जल–परीक्षण–प्रयोगशालाः अधिकं सुदृढाः भविष्यन्ति, तथा च भूतल–स्तरे जल–गुणवत्ता–परीक्षणे सुविधा वर्धिष्यते। प्रदेशवासिभ्यः शुद्धं गुणवत्तापूर्णं च पेयजलम् उपलब्धं कर्तुं शासनस्य प्राथमिकता प्रतिबद्धता च अस्ति इति सः अवदत्। एताभिः नियुक्तिभिः विभागे तकनीकी–दक्ष–मानव–संसाधनानां संख्या वर्धिता अस्ति।

सावः पुनरुक्तवान् यत् पारदर्श्या निष्पक्षया च नियुक्ति–प्रक्रियया प्रदेशस्य युवसु विश्वासः उत्साहश्च वर्धितौ स्तः; परिश्रमस्य प्रतिभायाश्च यथोचितं प्रतिफलं लभ्यते। नवनियुक्ताः सर्वे केमिस्टजना: निष्ठया अनुशासनेन सेवा–भावेन च स्वकर्तव्यपालनं करिष्यन्ति इति सः आशां प्रकटितवान्, तथा विभागीय–लक्ष्य–साधने सक्रियां भूमिकां वहिष्यन्ति। जल–गुणवत्ता–निरीक्षणे काचित् शिथिलता असहिष्णुता भविष्यति इति अपि सः अवदत्; प्रयोगशालानां कार्यप्रणाली आधुनिकीं परिणाममुखीं च करिष्यते।

लोक–स्वास्थ्य–यांत्रिकी–विभागस्य प्रमुख–अभियन्ता ओंकेश–चन्द्रवंशी अवदत् यत् विभागेन स्वीकृतेषु केमिस्ट–पदेषु द्वादशसु पदेषु व्यापम–माध्यमेन चयन–प्रक्रिया सम्पन्ना आसीत्। प्रमाणपत्र–परीक्षणे एकादश अभ्यर्थिनः पात्राः अभवन्, एकः तु अनुपस्थितः आसीत्। चयनितेषु एकादशसु अभ्यर्थिषु द्वे महिले नव पुरुषाश्च सन्ति।

हिन्दुस्थान समाचार / अंशु गुप्ता