Enter your Email Address to subscribe to our newsletters
सायः कंफेडरेशन ऑफ ऑल इंडिया ट्रेडर्स (कैट) द्वारा आयोजिते नेशनल ट्रेड एक्सपो 2026तमस्य वर्षस्य समापन समारोहे सम्मिलितः
रायपुरम्, 25 फ़रवरीमासः (हि.स.)।
मुख्यमन्त्री विष्णुदेवसायः राजधानी रायपुरनगरस्थिते बीटीआई क्रीडाङ्गणे कन्फेडरेशन ऑफ ऑल इंडिया ट्रेडर्स इत्यनेन संस्थया आयोजिते नेशनल ट्रेड एक्सपो २०२६ इत्यस्य समापनसमारोहकार्यक्रमे मङ्गलवासरे सायंकाले सहभागिता कृतवान्। अस्मिन् अवसरे सः कार्यक्रमं सम्बोधयन् उक्तवान् यत् छत्तीसगढ़राज्ये कृषेः सह व्यापारउद्योगयोः अपि अनुकूलं वातावरणं निर्मितम् अस्ति, यस्य परिणामस्वरूपं व्यापारीणः उद्योगप्रतिनिधयः च राज्ये निवेशाय अग्रे सरन्ति।
मुख्यमन्त्री उक्तवान् यत् वित्तमन्त्री ओपी चौधरी इत्यनेन वित्तवर्षस्य २०२६-२७ इत्यस्य कृते एकलक्षद्विसप्ततिसहस्रकोटिरूप्यकपरिमाणं बजट् प्रस्तुतम्। अस्माकं शासनस्य तृतीयं वर्षं प्रवर्तते, द्वे वर्षे पूर्णे अभवताम्। प्रथमवर्षे प्रस्तुतस्य राजस्वस्य विषयः ज्ञान इति आसीत्, यस्मिन् जी इत्यस्य अर्थः दरिद्राः, वाय इत्यस्य अर्थः युवा, ए इत्यस्य अर्थः अन्नदाता कृषकः, एन इत्यस्य अर्थः नारी इति, एतेषां सर्वेषां वर्गाणां विकासे विशेषं ध्यानं दत्तम्। द्वितीयवर्षे विकासस्य त्वरणार्थं वित्तीयप्रस्तावस्य विषयः गति इति स्थापितः, अस्मिन् वर्षे तु बजटस्य विषयः संकल्प इति निर्दिष्टः।
मुख्यमन्त्री उक्तवान् यत् एषः बजट् प्रधानमन्त्रिणः नरेन्द्रमोदिनः मंत्रं सबका साथ सबका विकास सबका विश्वास सबका प्रयास इत्यस्य भावनां आत्मसात् कृत्वा निर्मितः, सम्पूर्णप्रदेशहिताय च अस्ति। अस्मिन् बजटे बस्तर सरगुजा क्षेत्रयोः विशेषं ध्यानं दत्तम्। बस्तरक्षेत्रं केरलराज्यात् अपि विशालतरम् अस्ति, प्राकृतिकसौन्दर्येन अतीव रमणीयम्, भूमेः स्वर्ग इति अपि कथ्यते। किन्तु चत्वारिंशदधिकवर्षपर्यन्तं नक्सलवादस्य कारणेन एतत् क्षेत्रं विकासात् वञ्चितम् आसीत्। प्रधानमन्त्रिणः नरेन्द्रमोदिनः, केन्द्रीयगृहमन्त्रिणः अमितशाहस्य नेतृत्वेन तथा वीरजवानानां साहसेन नक्सलवादः अधुना अन्तिमश्वासान् गृह्णाति, ३१ मार्च २०२६ पर्यन्तं सम्पूर्णदेशात् नक्सलवादस्य उन्मूलनाय संकल्पः कृतः।
पूर्वं राज्ये बहवः नक्सलवादी सक्रियाः आसन्, किन्तु गतद्विवर्षेषु सुरक्षाबलैः निर्णायकयुद्धेन बहवः प्रमुखमाओवादी निहताः, बहवः आत्मसमर्पणं कृतवन्तः। अतः राज्यं स्वलक्ष्यस्य समीपं शीघ्रं गच्छति। माओवादस्य कारणेन एतेषु क्षेत्रेषु सम्यक् विकासः न जातः, अतः अधुना शासनं विशेषतया तेषां विकासे प्रयत्नशीलम्।
शासननेन अबूझमाड़ जगरगुंडा इत्यादिषु क्षेत्रेषु एजुकेशन सिटी निर्माणाय बजटे प्रावधानं कृतम्। कृषेः प्रोत्साहनाय वनउत्पादनां मूल्यवर्धनाय च अपि कार्यं क्रियते। बस्तर सरगुजा संभागयोः शतानि वनउत्पादप्रकाराः उपलब्धाः, तेषां मूल्यसंवर्धनेन स्थानीयार्थव्यवस्था सुदृढा क्रियते। सम्पूर्णछत्तीसगढ़विकासाय एषः बजट् निर्मितः। राज्यस्य चतुश्चत्वारिंशत्प्रतिशतं क्षेत्रं वनाच्छादितम् अस्ति।
एकः वृक्षः मातुः नाम्ना इत्यस्य अभियानस्य अन्तर्गतं सप्तकोटिवृक्षाः रोपिताः। उद्योगनीतेः अन्तर्गतं छिन्नवृक्षाणां परिपूर्त्यर्थं अपि व्यापकवृक्षारोपणं क्रियते।
वर्ष २०४७ पर्यन्तं विकसितछत्तीसगढ़निर्माणे व्यापारीणां महत्त्वपूर्णा भूमिका भविष्यति इति मुख्यमन्त्री उक्तवान्। नेशनल ट्रेड एक्सपोस्य सफलायोजनार्थं संस्थायाः सर्वदलाय अभिनन्दनं शुभकामनाः च प्रदत्ताः। अस्मिन् अवसरे मुख्यमन्त्री विविधप्रदर्शनस्थानकानि निरीक्ष्य प्रतिभागिनां उत्साहवर्धनं कृतवान् तथा स्वदेशीपोस्टरस्य विमोचनं अपि कृतवान्।
अस्मिन् कार्यक्रमे राष्ट्रियव्यापारीकल्याणबोर्डस्य अध्यक्षः सुनीलसिंघी, रायपुरमहापौरः मीनलचौबे, संस्थायाः राष्ट्रियोपाध्यक्षः अमरपरवानी तथा अन्ये वरिष्ठपदाधिकारीगण बहवः गणमान्यनागरिकाः च उपस्थिताः आसन्।
---------------
हिन्दुस्थान समाचार