Enter your Email Address to subscribe to our newsletters
नव दिल्ली, 25 फरवरीमासः (हि.स.)।
प्रधानमन्त्री नरेन्द्र मोदी अद्य किञ्चित्कालपूर्वं इजरायलदेशस्य द्विदिवसीयां राजकीययात्रां प्रति प्रस्थितवान्। एषा तस्य द्वितीया यात्रा अस्ति। पश्चिम एशियाक्षेत्रे वर्धमाने तनावपरिस्थितौ विशेषतः अमेरिका तथा ईरान इत्येतयोः मध्ये अवनतसम्बन्धपरिप्रेक्ष्ये एषा यात्रा भारत इजरायल रणनीतिकसहभागितां अधिकं सुदृढीकर्तुं महत्त्वपूर्णं पदं मन्यते। प्रधानमन्त्री मोदी इजरायलदेशस्य संसदं अपि सम्बोधयिष्यति।
आधिकारिकप्रवक्तुः अनुसारं इजरायलदेशस्य प्रधानमन्त्री बेंजामिन नेतन्याहू महोदयस्य निमन्त्रणेन प्रधानमन्त्री नरेन्द्र मोदी २५ २६ फरवरी दिनयोः इजरायलदेशस्य राजकीययात्रां प्रति प्रस्थितवान्। एषा तस्य इजरायलदेशस्य द्वितीया यात्रा अस्ति। अस्यां यात्रायां प्रधानमन्त्री मोदी नेतन्याहू महोदयेन सह भेंटं करिष्यति।
उभौ नेतारौ भारत इजरायल रणनीतिकसहभागितायाः महत्वपूर्णप्रगतिं पुनरवलोकयिष्यतः तथा विज्ञान प्रौद्योगिकी नवोन्मेष रक्षा सुरक्षा कृषि जलव्यवस्थापन व्यापार अर्थव्यवस्था तथा जनसमुदाय आदानप्रदानादिषु विविधेषु क्षेत्रेषु सहयोगस्य अवसरान् चर्चयिष्यतः। परस्परहितसम्बद्धेषु प्रादेशिक वैश्विकविषयेषु अपि विचारविनिमयः अपेक्षितः अस्ति।
प्रधानमन्त्री इजरायलदेशस्य राष्ट्रपति इसहाक हर्जोग महोदयेन सह अपि मिलिष्यति।
भारतीय जनतादलस्य वक्तव्ये उक्तम् नेसेट् संसदं सम्बोधयितुं प्रथमः भारतीयप्रधानमन्त्री इति रूपेण मोदी महोदयस्य एषा यात्रा कूटनीतिगौरवयोः समन्वयः अस्ति। एषा यात्रा इतिहास मूल्यानि तथा अग्रदर्शिन्या रणनीतिकसहभागितायाः आधारेण स्थिता अस्ति।
उल्लेखनीयं यत् अस्मिन् अटनेआयरन डोम नाम वायुरक्षाप्रणाली प्रायः एकसप्ततिसहस्रकोटिरूप्यकपरिमाणस्य संभाव्यरक्षासौदाः तथा कृत्रिमबुद्धिमूलक ड्रोन प्रौद्योगिकी इत्यादिषु महत्त्वपूर्णा चर्चा अपेक्ष्यते।
---------------
हिन्दुस्थान समाचार