Enter your Email Address to subscribe to our newsletters
शिमला, 25 फ़रवरीमासः (हि.स.)।हिमाचलप्रदेशे निर्जीविकयुवकेभ्यः अवसरः आगतः अस्ति। राज्यस्य गृहरक्षाविभागेन सप्तशतानि होमगार्ड स्वयंसेवकानां भर्तीप्रक्रिया आरब्धा अस्ति, तदर्थं च आनलाइन आवेदनानि आमन्त्रितानि सन्ति। इच्छुकाः अभ्यर्थिनः विभागस्य आधिकारिकजालपुटं गत्वा आवेदनं कर्तुं शक्नुवन्ति। आवेदनसमर्पणस्य अन्तिमतिथिः ३१ मार्च २०२६ इति निर्धारिता अस्ति।
विभागस्य अनुसारं भर्तीप्रक्रियायां कुलं सप्तशतानि पदानि पूरयिष्यन्ते। तेषु सामान्यकर्तव्य पुरुषवर्गस्य ३५८ पदानि, सामान्यकर्तव्य महिलावर्गस्य १६७ पदानि, बैंडमैन ७४ पदानि, होमगार्ड वाहनचालक ७६ पदानि, तकनीकी ट्रेड्समैन २५ पदानि च अन्तर्भवन्ति। अधिकारिणां कथनानुसारं एषा भर्तीप्रक्रिया पारदर्शितया सम्पन्ना भविष्यति।
आनलाइन आवेदनसमये अभ्यर्थिभिः स्वीयानि शैक्षणिकप्रमाणपत्राणि तथा मैट्रिक प्रमाणपत्रं अनिवार्यतया अपलोडनीयम्। पात्रतार्थं अभ्यर्थिना मान्यताप्राप्तात् शिक्षामण्डलात् मैट्रिक १० प्लस २ अथवा निर्दिष्टा अन्याश्च शैक्षणिकयोग्यता उत्तीर्णा भवितव्या। अपूर्णानि दोषपूर्णानि वा प्रमाणपत्राणि समर्पयतां अभ्यर्थिनां आवेदनानि निरस्तानि भवितुं शक्नुवन्ति।
अस्यां भर्तीप्रक्रियायां विशेषं यत् अग्निपथयोजनायाः अन्तर्गतं सेवामुक्ताः अग्निवीराः अपि अवसरं प्राप्नुवन्ति। निर्दिष्टशैक्षणिकमानदण्डान् पूरयन्तः अग्निवीराः अस्मिन् प्रक्रियायां आवेदनं कर्तुं अर्हन्ति। विभागस्य मतम् अस्ति यत् अनेन प्रशिक्षितयुवकानां राज्यस्य सुरक्षाव्यवस्थायां योगदानस्य अवसरः भविष्यति।
चयनप्रक्रियायाः समापनानन्तरं सफलाः अभ्यर्थिनः पञ्चचत्वारिंशद्दिनात्मकं मूलप्रशिक्षणम् अनिवार्यतया सम्पादयिष्यन्ति। प्रशिक्षणं सफलतया पूर्णीकृत्य एव तेषां सम्बन्धितेषु होमगार्डएककेषु नियुक्तिः दीयते।
गृहरक्षाविभागेन इच्छुकयुवकेभ्यः समये आवेदनं कर्तुं प्रार्थना कृता, येन अन्तिमक्षणे तान्त्रिकदोषेभ्यः परिहरणं शक्येत। बहुसंख्यकाः युवानः अस्यां नियुक्तिप्रक्रियायां सहभागित्वं करिष्यन्ति इति मन्यते।
---------------
हिन्दुस्थान समाचार