Enter your Email Address to subscribe to our newsletters
चेन्नईनगरम् 25 फरवरीमासः (हि.स.) । चिकित्सकैः उक्तं यत् वरिष्ठवामपन्थीनेतुः आर नल्लाकन्नोः स्वास्थ्ये सुधारस्य संकेताः दृश्यन्ते। अस्मिन् अन्तरे भारतीयकम्युनिस्ट दलनेन तस्य स्वास्थ्यसम्बद्धाः अफवाहाः मा प्रसार्यन्ताम् इति प्रार्थना कृता।
दलस्य राज्योपसचिवः ना पेरियासामी इत्यनेन उक्तं यत् भारतीयकम्युनिस्टदलस्य वरिष्ठनेतुः सामाजिकमुक्तिसंघर्षस्य च योद्धुः आर नल्लाकन्नु महोदयस्य स्वास्थ्यसम्बद्धाः मिथ्यावार्ताः प्रसार्यन्ते। तेन सामान्यजनान् दलकार्यकर्तॄन् च प्रति आह्वानं कृतं यत् ते एतासु अफवाहासु विश्वासं मा कुर्वन्तु।
नल्लाकन्नुः तमिलनाडुराज्यस्य राजनैतिकसामाजिकआन्दोलनइतिहासे महत्त्वपूर्णं स्थानं धारयति। स्वास्थ्यकारणात् तं चेन्नैनगरस्थराजीवगान्धीसर्कारीसामान्यचिकित्सालयस्य गहनचिकित्साकक्षे प्रवेशितवन्तः।
एकाधिकशतवर्षवयस्कः नल्लाकन्नु महोदयः गतकिञ्चनसप्ताहेभ्यः वृद्धावस्थासम्बद्धस्वास्थ्यसमस्याभिः कारणात् चिकित्सकानां सततनिरीक्षणे अस्ति। सः विंशतिदिनाधिककालात् गहनचिकित्साकक्षे चिकित्साधीनः अस्ति। चतुर्विंशतितमे फरवरीदिनाङ्के तस्य स्वास्थ्ये अस्थायिनी अवनतिः अभवत् इति वार्ता आगता आसीत्। ततः अनन्तरं सामाजिकमाध्यमेषु केषुचित् जालस्थलेषु च तस्य निधनसम्बद्धाः मिथ्यावार्ताः शीघ्रं प्रसृताः।चिकित्सकानां मतानुसारं तस्य स्थितौ किञ्चित् सुधारलक्षणानि दृश्यन्ते, किन्तु सः अद्यापि पूर्णतया संकटात् मुक्तः नास्ति। भारतीयकम्युनिस्टदलं पुनरपि उक्तवत् यत् केवलम् आधिकारिकचिकित्साबुलेटिनम् एव विश्वसनीयम्, अपुष्टवार्तानां प्रसारणं परिहर्तव्यम्, यतः तेन समाजे भ्रमस्थितिः उत्पद्यते।
---------------
हिन्दुस्थान समाचार