Enter your Email Address to subscribe to our newsletters
लखनऊनगरम्, २५ फरवरीमासः (हि.स.)। भविष्यस्य अर्थव्यवस्थायाः केन्द्ररूपेण उत्तरप्रदेशं निर्मातुमिति दृढसंकल्पेन मुख्यमन्त्री योगी-आदित्यनाथः जापान-यात्रायाः प्रथमदिने वैश्विक-निवेश-संवादस्य सुदृढम् आरम्भं कृतवान्। जापानस्य राजधानीं टोक्यो-नगरीं प्राप्य मुख्यमन्त्री जापानस्य अग्रणी वैश्विक-व्यापार-निवेश-निर्माण्या मित्सुई एण्ड कम्पनी लिमिटेड्-इत्यस्य प्रबन्धनेन सह साक्षात्कारं कृत्वा उत्तरप्रदेशे परिवर्तनकारी-निवेश-अवसराणां अन्वेषणाय औपचारिकं आमन्त्रणं दत्तवान्।
मुख्यमन्त्री-कार्यालयस्य सूचनानुसारं जापानदेशे अद्य सम्पन्नायां सभायां मुख्यमन्त्री विशेषतः चतुर्षु प्रमुखेषु क्षेत्रेषु निवेश-सम्भावनाः रेखाङ्कितवान्। तेषु नवीकरणीय-ऊर्जा-क्षेत्रे सौर-ऊर्जा, जैव-ऊर्जा, हरित-हाइड्रोजन-ऊर्जा तथा ऊर्जा-भण्डारण-परियोजनाः अन्तर्भूताः। द्वितीयतः सूचना-एवञ्च-संचार-प्रौद्योगिकी-क्षेत्रे आईटी-उद्यानानि, इलेक्ट्रॉनिक्स-निर्माणम्, डिजिटल-सेवाः तथा स्टार्टअप-परिसंस्थायां निवेश-विषये चर्चा अभवत्। तृतीयं क्षेत्रं अर्धचालक-उद्योगस्य आसीत्, यत्र चिप्-निर्माणं तथा इलेक्ट्रॉनिक्स-मूल्य-श्रृङ्खलायाः विस्तारः प्रमुखः आसीत्। चतुर्थं क्षेत्रं दत्तकेन्द्र-उद्योगः आसीत्, यस्मिन् हाइपर-स्केल-दत्तकेन्द्राणि, क्लाउड-अवसंरचना तथा डिजिटल-संयोजकता-केन्द्राणि इत्यादिषु निवेश-विषये गहनं विमर्शं कृतम्।
मुख्यमन्त्री मित्सुई-प्रबन्धनं दीर्घकालिक-सहभागिता-हेतोः आमन्त्रयन् अवदत् यत् भारत-जापान-आर्थिक-सहयोगं भूमितले सुदृढीकर्तुं उत्तरप्रदेशः पूर्णतया प्रतिबद्धः अस्ति। मुख्यमन्त्री अपि अवदत् यत् उत्तरप्रदेशः देशस्य विशालतमं उपभोक्ता-विपणं सन् उत्कृष्ट-संयोजकता, समर्पित-भारवाहन-मार्गः, द्रुतमार्ग-जालं तथा शीघ्रं विकसितमानाः औद्योगिक-समूहाः इत्येतैः निवेशकानां कृते अत्यन्तं अनुकूलं वातावरणं प्रददाति। राज्य-सर्वकारस्य उद्योग-समर्थक-नीतयः, एक-द्वार-स्वीकृति-प्रणाली तथा समयबद्ध-स्वीकृति-प्रक्रिया इत्यादीनि उल्लिख्य मुख्यमन्त्री योगी आश्वासनं दत्तवान् यत् उत्तरप्रदेशः निवेशकानां कृते सुरक्षितं, पारदर्शकं च परिणामोन्मुखं वातावरणं उपलब्धं कारयति।
हिन्दुस्थान समाचार / अंशु गुप्ता