Enter your Email Address to subscribe to our newsletters
कोलकाता, 25 फरवरीमासः (हि.स.)।पश्चिमबङ्गराज्ये आगामिनि विधानसभानिर्वाचने विषये भारतीय जनता पार्टी स्वस्य निर्वाचनघोषणापत्रस्य सिद्धतां सूक्ष्मतया तथा क्षेत्रविशेषसमस्यासु विशेषं ध्यानं केन्द्रीकृतवती अस्ति। दलस्य सूत्रैः ज्ञायते यत् अस्मिन् वारे केवलं राज्यव्यापिविशालविषयेषु सीमितं न स्थित्वा विभिन्नप्रदेशानां स्थानीयसमस्याः अपेक्षाश्च प्रमुखतया ग्राह्याः भवन्ति।
दलस्य राज्यसमितेः एकः सदस्यः यः घोषणापत्रनिर्माणप्रक्रियायां सक्रियतया सम्बद्धः अस्ति अवदत् यत् वर्तमानासु जटिलराजनीतिकपरिस्थितिषु केचन व्यापकविषयाः सन्ति ये सर्वत्र समानरूपेण प्रवर्तन्ते किन्तु तेन सह अनेकानि क्षेत्राणि सन्ति यत्र विशिष्टाः स्थानीयसमस्याः विद्यमानाः सन्ति। अतः अस्मिन् घोषणापत्रे सूक्ष्मस्तरस्य क्षेत्रीयविषयान् निर्दिश्य तेषां समाधानस्य स्पष्टखाका प्रस्तोतुं रणनीतिः स्वीकृता अस्ति।
सूत्रानुसारं दलं उत्तरबङ्गप्रदेशस्य अष्टसु जिलेषु कूचबिहार उत्तरदिनाजपुर दक्षिणदिनाजपुर जलपाईगुड़ी अलीपुरद्वार दार्जिलिंग कालिम्पोंग मालदा इत्येतेषां कृते पृथक् लघुघोषणापत्रं प्रकाशयितुं सज्जम् अस्ति। राज्यव्यापिनः मुख्यविस्तृतघोषणापत्रस्य अतिरिक्तम् एतत् विशेषघोषणापत्रं केवलं उत्तरबङ्गप्रदेशस्य आवश्यकताः अपेक्षाश्च केन्द्रे स्थापयिष्यति।
विधानसभायां दलस्य मुख्यसचेतकः तथा सिलीगुड़ीविधानसभाक्षेत्रस्य विधायकः शंकरघोषः अवदत् यत् उत्तरबङ्गप्रदेशस्य कृते पृथक् घोषणापत्रस्य योजना तत्रस्थजनानां आवश्यकताः मागधाः आकाङ्क्षाश्च विचार्य निर्मीयते। सः उक्तवान् यत् दलम् अधुना संकल्पपत्रपरामर्शयात्रा नाम कार्यक्रमं संचालयति यस्य अन्तर्गतं राज्यस्य विभिन्नस्थानेषु मतदातृणां सुझावान् स्वीकर्तुं ड्रॉपबॉक्स स्थापिता: सन्ति। उत्तरबङ्गप्रदेशात् प्राप्तानां महत्वपूर्णसुझावानां आधारेण एव तत्र पृथक् घोषणापत्रं प्रकाशयितुं योजना प्रचलति।
राजनीतिविश्लेषकानां मते उत्तरबङ्गप्रदेशस्य कृते पृथक् घोषणापत्रस्य रणनीतेः पृष्ठे निर्वाचनगणितमपि महत्त्वपूर्णां भूमिकां निर्वहति। दक्षिणबङ्गप्रदेशे यत्र तृणमूल कांग्रेस दलस्य प्रभावः अधिकः दृश्यते तत्र उत्तरबङ्गप्रदेशे पूर्वं भाजपादलस्य उल्लेखनीयसफलता आसीत्। वर्षे २०२१ विधानसभानिर्वाचने तृणमूलकांग्रेसदलम् अधिकेषु जिलेषु अग्रस्थानं प्राप्तवती आसीत् किन्तु उत्तरबङ्गप्रदेशे ५४ मध्ये ३० विधानसभासनानि जित्वा भाजपादलम् स्वस्य प्रभुत्वं स्थापितवती आसीत्।
विश्लेषकानां अनुसारम् आगामिनि निर्वाचने उत्तरबङ्गप्रदेशे स्वस्य अग्रतां धारयितुं भाजपादलस्य कृते रणनीतिकदृष्ट्या अतीव महत्त्वपूर्णम् अस्ति। अतः क्षेत्रविशेषविषयान् पृथक् निर्दिश्य स्थानीयअपेक्षाः सम्बोधितुं एषा पहल दलस्य निर्वाचनरणनीतेः प्रमुखः अंशः मन्यते।
---------------
हिन्दुस्थान समाचार