Enter your Email Address to subscribe to our newsletters
देहरादूनम्, 25 फरवरीमासः (हि.स.)। जनपदचम्पावतस्य दूरस्थपर्वतीयप्रदेशेभ्यः आगताः होल्याराणां प्रतिनिधिमण्डलम् मुख्यमंत्रीनिवासे पुष्कर सिंह धामी इत्येन सह शिष्टाचारभेटां कृत्वा पारम्परिकरीत्या होलिकोत्सवस्य शुभाशंसाः अददात्। अस्मिन् अवसरे होल्याराः कुमाऊँअञ्चलस्य समृद्धसांस्कृतिकपरम्परां प्रदर्शयन्तः खडीहोली तथा बैठकीहोली इत्येतयोः पारम्परिकलोकगीतानां गायनं कृतवन्तः। मुख्यमन्त्री तान् आत्मीयतया स्वागतं कृत्वा सम्मानितवान्।
अस्मिन् प्रसङ्गे मुख्यमन्त्री धामी उक्तवान् यत् उत्तराखंड राज्यस्य होली केवलं वर्णोत्सवः न, अपितु समृद्धलोकसंस्कृतेः शास्त्रीयसंगीतपरम्परायाः आध्यात्मिकचेतनायाः सामाजिकसमरसतायाः च जीवत्प्रतीकः अस्ति। तेन उक्तं यत् चम्पावतसहितस्य कुमाऊँप्रदेशस्य खडीहोली बैठकीहोली च स्वविशिष्टशैल्या रागरागिणीनां शास्त्रीयतया भक्तिभावपूर्णप्रस्तुत्या च देशव्यापिनीं विशेषपहचानं धारयतः।
मुख्यमन्त्री अवदत् यत् एषा परम्परा राज्यस्य सांस्कृतिकविरासतायाः अमूल्यधरोहरः अस्ति, यस्य संरक्षणं संवर्धनं च सर्वेषां सामूहिकी उत्तरदायित्वम्। राज्यसरकारः लोककला लोकसंगीत पारम्परिकोत्सवानां संरक्षणसंवर्धनयोः निरन्तरं प्रयत्नशीलः अस्ति। विविधैः सांस्कृतिककार्यक्रमैः प्रदेशस्य विरासतायाः राष्ट्रियेषु अन्ताराष्ट्रियस्तरेषु प्रतिष्ठा वर्ध्यते।
होल्याराः प्रदेशस्य सुखसमृद्धेः शान्तेः निरन्तरप्रगतेः च कामनां कुर्वन्तः पारम्परिकमङ्गलगानानि प्रस्तुतवन्तः। मुख्यमन्त्री अपि प्रदेशवासिभ्यः होलिकोत्सवस्य शुभकामनाः दत्त्वा उक्तवान् यत् अयं पर्व सर्वेषां जीवनं प्रति नूतनऊर्जा सकारात्मकता सुखसमृद्धी च आनयतु तथा समाजे प्रेमसद्भावएकतारूपेण वर्णयोजनस्य सन्देशं प्रसारयतु।
हिन्दुस्थान समाचार