Enter your Email Address to subscribe to our newsletters
२७ फेब्रुवरी — भारतीयइतिहासे एकः संवेदनशीलः दिवसः
वर्षस्य द्वितीयमासस्य सप्तविंशतितमः दिवसः भारतीयइतिहासे अतीव दुःखदघटनारूपेण अभिलिखितः अस्ति। २७ फेब्रुवरी २००२ तमे दिने गुजरातराज्यस्य गोधरानामके स्थानके साबरमती-एक्स्प्रेस-नाम्नः रेलयानस्य एकस्मिन् डिब्बे अग्निः प्रज्वालितः, यस्मिन् ५९ जनानां करुणा मृत्यु अभवत्। एषा रेलयानम् अयोध्यायाः अहमदाबादनगरं प्रति गच्छति स्म, तस्मिन् बहवः हिन्दूतीर्थयात्रिणः आसन्।
वृत्तान्तानुसारं गोधरास्थानकात् निर्गमनानन्तरं कश्चन शृङ्खलां आकर्ष्य रेलयानं निरुद्धवान्। ततः पश्चात् रेलयानम् प्रति शिलाक्षेपः कृतः, तथा एस-६-नामकःप्रकोष्ठः अग्निना दग्धः। शीघ्रमेव अग्निः उग्ररूपं धारयामास, अन्तः स्थिताः यात्रिणः निर्गन्तुं अवसरं न अलभन्त।
एषा घटना देशव्यापि स्तब्धतां क्रोधं च उत्पादितवती। अस्याः घटनायाः अनन्तरं गुजरातस्य अनेकभागेषु सांप्रदायिक-हिंसा प्रज्वलिता, यस्यां व्यापक-जनधनहानिः अभवत्। विशेषतः अहमदाबादनगरे परिस्थितिः अतीव तनावपूर्णा जाता। तत्कालीनप्रधानमन्त्री अटल-बिहारी-वाजपेयी-महाभागेन देशवासिभ्यः शान्तेः संयमस्य च पालनाय आह्वानं कृतम्।
गोधरा-काण्डः तथा तदनन्तरं जाता हिंसा भारतीयराजनीतौ समाजे च गम्भीरं प्रभावं न्यधात्। एषः अध्यायः अद्यापि भारतीयइतिहासस्य अतीव संवेदनशीलतमेषु विवादितेषु च विषयेषु गण्यमानः अस्ति।
महत्त्वपूर्णाः घटनाः
१८७९ — कृत्रिममधुरद्रव्यस्य सैकरिन्-नाम्नः आविष्कारः रूसी-रसायनशास्त्रज्ञेन कॉन्सटैन्टिन-फाल्बर्ग-महाशयेन कृतः।
१९३२ — ब्रिटिश-भौतिकशास्त्रज्ञेन जेम्स-चैडविक-महाभागेन न्यूट्रॉन-कणस्य आविष्कारः कृतः। अस्याः आविष्कारस्य अनन्तरं परमाणुकेंद्रकस्य पृथक्करणं सम्भवम् अभवत्।
२००१ — गोधरायां रेलयानस्य डिब्बे अग्निप्रज्वलनात् ५९ कारसेवकानां निधनम्।
२००१ — अफगानिस्तानदेशे तालिबान-सङ्गठनस्य आदेशेन देवप्रतिमानां विनाशः आरब्धः।
२००५ — मारिया-शारापोवा-महिला कतर-ओपन-प्रतियोगितायां विजयं प्राप्तवती।
२००७ — लान्साना-कोयटे गुयानादेशस्य नूतनः प्रधानमन्त्री अभवत्।
२००८ — विविधक्षेत्रेषु विशिष्टयोगदानाय २५ महिलाः जी-आर-८-सम्मानेन सम्मानिताः।
२००८ — पाकिस्तान-सरकारेण आसिफ-अली-जरदारी-महाशयस्य विरुद्धं स्थापिताः भ्रष्टाचार-आरोपाः प्रत्याहृताः।
२००९ — भूतपूर्वप्रधानमन्त्री अटल-बिहारी-वाजपेयी-महाभागेन स्वस्य लोकसभास्थानस्य उत्तराधिकारी लाल-जी-टण्डन-महाभागः घोषितः।
२०१० — भारतदेशेन अष्टमी राष्ट्रमण्डल-निशानेबाजी-प्रतियोगितायां ७४ पदकानि प्राप्तानि, प्रथमस्थानं च अधिगतं।
२०१२ — वैश्विक-ऊर्जा-कम्पनी बीपी इत्यस्य अनुमानेन २०३० पर्यन्तं भारतः विश्वस्य तृतीयः महान् अर्थतन्त्रदेशः भविष्यति इति कथितम्।
जन्मदिनानि
१८८२ — विजय-सिंह-पथिकः, राजस्थानस्य प्रसिद्धः स्वातन्त्र्यसेनानी।
१९१२ — विष्णु-वामन-शिरवाडकर उपनाम्ना कुसुमाग्रजः, मराठी-साहित्यकारः।
१९२५ — श्यामा-चरण-शुक्लः, मध्यप्रदेशस्य भूतपूर्वः मुख्यमन्त्री।
१९३४ — मनोज-दासः, प्रसिद्धः उड़िया-साहित्यकारः।
१९४३ — बी-एस-येदियुरप्पा, भारतीय-राजनीतिज्ञः।
१९५२ — प्रकाश-झा, प्रसिद्धः हिन्दी-चलच्चित्र-निर्माता।
निधनानि
१९३१ — चन्द्रशेखर-आजादः, भारतीय-क्रान्तिकारी।
१९५६ — गणेश-वासुदेव-मावलंकरः, लोकसभायाः प्रथमः अध्यक्षः।
१९७६ — के-सी-रेड्डी, कर्नाटकस्य प्रथमः मुख्यमन्त्री।
१९९७ — इन्दीवरः, हिन्दी-चित्रपट-गीतकारः।
२०१० — नानाजी-देशमुखः, प्रख्यातः समाजसेवकश्च।
हिन्दुस्थान समाचार