Enter your Email Address to subscribe to our newsletters
रायपुरम् 26 फ़रवरीमासः (हि.स.)।
राज्यपालः रमेन डेका अद्य गुरौ दिने महान् सेनानी विचारकः क्रान्तिकारी च विनायक दामोदर सावरकर इत्यस्य “वीर सावरकर” इति ख्यातस्य पुण्यतिथौ तस्मै पुष्पाञ्जलिं समर्पितवान्।
राष्ट्रनिर्माणे तस्य योगदानं स्मरन् सः अवदत् यत् वीर सावरकरः भारतमातुः तेषां वीरसपूतानां मध्ये एकः आसीत्, यस्य बौद्धिकक्षमता क्रान्तिकारी उत्साहः भारतस्य भविष्ये प्रति अटूटप्रतिबद्धता च अतुलनीया आसीत्। वीर सावरकरः केवलं क्रान्तिकारी एव न आसीत्, अपि तु गम्भीरः चिन्तकः आसीत्, यस्य बौद्धिकयोगदानं राष्ट्रं कदापि न विस्मरिष्यति।
अस्मिन् अवसरे राज्यपालस्य विधिकसलाहकारः भीष्मप्रसादपाण्डेयः उपसचिवा निधिसाहू अन्ये अधिकारीकर्मचारिणश्च सावरकरस्य छायाचित्रे पुष्पाञ्जलिं समर्प्य श्रद्धाञ्जलिं अर्पितवन्तः।
हिन्दुस्थान समाचार