Enter your Email Address to subscribe to our newsletters
- स्व सहायता समूहस्य महिलाः कुर्वते प्राकृतिक गुलालस्य निर्माणम्
रायपुरम् 26 फरवरीमासः (हि. स.)।
छत्तीसगढ़ राज्यस्य गरियाबंद जिला इत्यस्य स्वसहायतासमूहस्य महिलाः अस्मिन् वर्षे होलीउत्सवं प्राकृतिकहर्बलगुलालेन अधिकं विशेषं कुर्वन्ति। होलीपर्वं प्राकृतिकवर्णैः आचरितुं ताः हर्बलगुलालं निर्मान्ति।
गरियाबन्दजिलायाः सढ़ौलीग्रामे स्थितस्य राखीमहिलाग्रामसङ्गठनस्य दश सक्रियमहिलाः राष्ट्रिय ग्रामीण आजीविका मिशन “बिहान” योजनान्तर्गतं हर्बलगुलालनिर्माणेन आत्मनिर्भरत्वस्य स्वावलम्बनस्य च आदर्शं प्रदर्शयन्ति। समूहस्य महिलाः पलाशपुष्पेभ्यः पीतवर्णं, चुकन्दरफलात् रक्तवर्णं, पालकपत्रेभ्यः हरितवर्णं निष्कास्य मक्काशुष्कडण्ठलात् प्राप्तेन अरारोटचूर्णेन सह मिश्रयित्वा प्राकृतिकगुलालं निर्मान्ति। अस्मिन् किञ्चन अपि हानिकारकरासायनिकतत्त्वं न प्रयुज्यते, अतः एषः हर्बलगुलालः त्वचायै स्वास्थ्याय च सुरक्षितः भवति।
राखीमहिलाग्रामसङ्गठनस्य एताः महिलाः न केवलं होलीपर्वं प्राकृतिकरूपेण सुरक्षितरूपेण च आचरन्ति, अपितु स्वाजीविकां अपि सुदृढीकुर्वन्ति। विष्णुदेव साय नेतृत्वे छत्तीसगढराज्यस्य ग्रामीणमहिलाः आत्मनिर्भरत्वस्य स्वावलम्बनस्य च नूतनकथां लिखन्ति। एषा पहलः प्रदेशे महिलासशक्तीकरणदिशि क्रान्तिकारीपदम् इव सिद्धा भवति।
जिलाधिकारी तथा जिलापञ्चायतस्य मुख्यकार्यपालनाधिकारी एतासां महिलानां प्रयत्नान् प्रशंस्य तासां उज्ज्वलभविष्याय शुभकामनाः प्रदत्तवन्तौ। तयोः उक्तं यत् अद्य महिलाः स्वजुविकां विसृज्य आत्मनिर्भराः भवन्ति समाजे च स्वीयां पृथगपहिचानं निर्मान्ति। पीआरपी मीना साहू अवदत् यत् गतवर्षे अपि बिहानसमूहस्य दीदिभिः त्रिंशत्सहस्ररूप्यकाधिकं विक्रयः कृतः तथा प्रायः दशसहस्ररूप्यकाधिकं शुद्धलाभं प्राप्तम्।
समूहस्य महिलाभिः सह चर्चायाः फलस्वरूपं ज्ञातं यत् पारम्परिकरीत्या निर्मितः प्राकृतिकगुलालः न केवलं स्वास्थ्याय हितकरः, अपितु पर्यावरणस्य अपि अनुकूलः अस्ति। एषः महिलानां कृते नूतनायाः आयस्रोतसः अपि कारणं भवति। गतवर्षे हर्बलगुलालस्य अधिका मागणी आसीत्, ततः प्रेरिताः महिलाः अस्मिन् वर्षे अपि पूर्वमेव वर्णनिर्माणं आरब्धवन्त्यः।
महिलाः उक्तवन्त्यः यत् गुलालनिर्माणप्रक्रिया पूर्णतया प्राकृतिकाऽस्ति। अस्य सिद्धौ पुष्पाणां पत्राणां च उपयोगः क्रियते, येन एषः त्वचायै सुरक्षितः भवति। विभिन्नवर्णनिर्माणाय प्राकृतिकद्रव्याणि उपयुज्यन्ते— गुलाबीवर्णाय चुकन्दरं गुलाबपुष्पदलानि च, पीतवर्णाय हरिद्रा गेंदापुष्पाणि च, हरितवर्णाय पालकपत्राणि मेहन्दीपत्राणि च, नीलवर्णाय अपराजितापुष्पाणि, रक्तवर्णाय टेसूपुष्पाणि च प्रयुज्यन्ते।
एवं निर्मितः प्राकृतिकहर्बलगुलालः अधुना नगरेषु अपि आकर्षणस्य केन्द्रं भवति।
---------------
हिन्दुस्थान समाचार